Saturday, October 20, 2007


مجاش فى بالك تسأل نفسك سؤال ..وبعدين؟
مش عارفه ليه حاسه اننا عايشين
فى مسلسل او فيلم كل يوم الواحد يدخل فى احداث وحوارات وحاجات كتير بس مع الوقت بعد ما الواحد يندمج فى الدور يرجع يفكر تانى ..
امممممممممممم ..طيب وبعدين ادينا عشنا الدور ومثلناه كويس كمان والمشاهدين مبسوطين والممثلين متكيفين والدنيا فل اهو
السؤال دلوقتى
طيب وبعدين؟؟؟؟؟؟؟؟؟
سؤال ممكن سهل جدا بس الاجابه صعبه
حد فيكو ممكن يقولى بعد كل اللى هو عايشه ده سواء حلو او وحش ايه بقى..هه ايه؟
لو كنا ابطال فيلم سينما كنا هنعمل الفيلم وناخد اجره كام مليون وندخل بعدها دور ولو زهقنا ممكن نبطل تمثيل او ممكن ناخد دور تانى مختلف عن الادوار اللى عملناها وكده يعنى.. يعنى حاجه مسليه كده
لكن احنا بنعمل كل ده ليه؟

7 comments:

أحمد حربية said...

علشان مش بنعرف نعمل حاجة تانية
أحمد

FadFadA said...

لو عرفنا احنا عاوزين إيه هنعرف إيه بعدين
و كل مالحاجة اللي عاوزنها أكبر ( بعدين ) هتكون اجابتها أسهل
ممكن يكون الوصول ليها أصعب , بس على الأقل هنبقى عارفين إيه بعدين
علماء التنمية البشرية بيقولوا ان فيه حالة اسمها
core
و هي حالة اندماج مع النفس وبتحصل لما الانسان يعرف اجابة السؤال اللي حضرتك بتسأليه
و بعدين ؟
أعتقد لو حطينا رضا ربنا قدام عنينا و يكون هو ده هدفنا الأساسي و الحاجة اللي عايشين عشانها و نفسنا تحصل
ان ربنا يرضى عننا
أظن الاجابة هتكون واضحة و يحصل موضوع الاندماج اللي بيتكلمه عليه
و لا إيه رأيك ؟

محمد

Anonymous said...

بنعمل دة علشان دة هدفنا
دي رحلتنا
نحقق فيها احلامنا مهما كانت
نحاول نكون سعدا
نحاول نكون احنا مركز الكون
لك تحيتي

elkamhawi said...

عبث

islam yusuf said...

ههههههههه
انتى دخلتى فى مرحلة العبثيو العدمية
لو كنتى لسة على البر ابعدى لو كنتى غوطتى مش هاتخرجى بالساهل
دى دوامة اسألى مجرب

انا باسأل سؤالك ده مليون مرة فى اليوم و لسه مالاقيتش الاجابة
يظهر اننا مش هانلاقيها

shabfa2re said...

الدوى هيتغير
بس لما احنا فعلا نبقى عاوزين نغيره

رصاصة طـائشة said...

وولو في فيلم رح نعرف نهاية لما نفعله
رح يكون في نهاية ونتيجة وجزاء
لكن نحنا متل مانكون عايشين بدايرة لا بداية ولا نهاية ولا شكل ولا لون
بنلف وندور لا عارفين اتجاه صح من خطأ

انما ملل ملل ملل


تحياتي

باربي