Sunday, November 18, 2007

امرأة لا عقلانية



تحتاجنى دائما ان ابرر ان ابرهن ان اعلل
ان اقول اسباب
يا سيدى افهمنى
انا امراة لا عقلانه
فا ارجوك لا تطلب منى تفسيرات
لاننى ببساطه
ليس لدى اجابات

Saturday, October 20, 2007


مجاش فى بالك تسأل نفسك سؤال ..وبعدين؟
مش عارفه ليه حاسه اننا عايشين
فى مسلسل او فيلم كل يوم الواحد يدخل فى احداث وحوارات وحاجات كتير بس مع الوقت بعد ما الواحد يندمج فى الدور يرجع يفكر تانى ..
امممممممممممم ..طيب وبعدين ادينا عشنا الدور ومثلناه كويس كمان والمشاهدين مبسوطين والممثلين متكيفين والدنيا فل اهو
السؤال دلوقتى
طيب وبعدين؟؟؟؟؟؟؟؟؟
سؤال ممكن سهل جدا بس الاجابه صعبه
حد فيكو ممكن يقولى بعد كل اللى هو عايشه ده سواء حلو او وحش ايه بقى..هه ايه؟
لو كنا ابطال فيلم سينما كنا هنعمل الفيلم وناخد اجره كام مليون وندخل بعدها دور ولو زهقنا ممكن نبطل تمثيل او ممكن ناخد دور تانى مختلف عن الادوار اللى عملناها وكده يعنى.. يعنى حاجه مسليه كده
لكن احنا بنعمل كل ده ليه؟

Monday, September 24, 2007

Wednesday, June 20, 2007

لا يجوز ان تقارن الالهه بالبشر

فى احد الازمنه ويمكن ان نقول انه كان فى احد الاساطير الخياليه
_عارفه ممكن حد يقولى ادام قولتى اساطير تبقى حاجه خياليه خلاص
احنا عارفين .. على فكرة اللى هايقولى كده مش هارد عليه_ اكمل بقى الحكايه
إله يعيش هناك فى عليائه ..جالس يتابع تحركات البشر متكىء على وسادته المفضله وفى يديه عنقود من العنب ..لكنه شعر بالملل او يمكن ان نقول قرر انه يريد تغير لقد مل فقرر ان يهبط للبشر يتعامل معهم لعله يجد ما يسليه او يمتعه عاش الاله وسط البشر اعجبته اللعبه ..تماهى فيها.. اندمج اكثر ..
تعامل مع البشر على انه واحد منهم ..عمل لكى يحقق ذاته ولكى يحصل على نقود كان يرجوا ان تكون كفيله بأن تجعله حر _لانه كاإله يعلم ايضا ان من يملك رأس المال يملك السلطه _ احب بالرغم من انه كإله يعلم ايضا ان الحب شىء عبثى ومؤلم وليس له فائده واحده ترجى وكااله برضه كان يتعجب على البشر كيف يفقدون حريتهم فى الحب بكل سهوله بالرغم من انهم طوال الوقت يناضلون لكسبها وكيف يتعذبون فيه بنفس راضيه وهم من اهم شعاراتهم مناهضة التعذيب ما علينا انهم بشر لا نستطيع فهمهم وبالفعل اقتحم الحب لانه من شيم الانسان وهو يريد ان يعيش التجربه كامله ..تماهى اكثر مع تجربته ولعبته ..ومع الوقت
نسى انه إله ..احب.. اتعلمون؟ لدرجه انه شعر بالغيرة
تحدث وانصت وتحدث
سمع وسمع وسمع
..تعذب .. وتعذب ..وتعذب ..وتعذب شعر بتلك النار بداخله وتلك الافكار تتناوبه ومع الوقت بدأ يعانى اكثر لكنه فجاة تذكر
انه إله
يجب ان يصعد لعليائه لا يجب ان يخالط البشر لا يجب ان يشعر بمشاعرهم لا يجب ان يقارن نفسه بهم
انه إله ..فعلا لا يجب ان يقارن نفسه ببشرى
اكتشف مدى السخف الذى ارتكبه لكنه لم يستطع ان يتخلص من تلك المشاعر الفظيعه وتلك النارالمشتعله بداخله
بس خلاص الحكاية خلصت ايوه دى النهايه بالرغم من انه عارف انه اهم من البشر وماينفعش يقارن نفسه بيهم حتى بالرغم من ان هو اللى هايكون الفائز فى المقارنه دى بدون جدل اساسا بس برضه ما ينفعش

لا يجوز ان تقارن الالهه بالبشر

Tuesday, April 24, 2007

????????????????????????????????


اين هو ..كان يوجد هنا ..اين هو .. لا اجده
..اممممممم
عما ابحث ؟!
انا لا اعلم
لكنى اشعر.. اشعر.. ان شىء ما مفقود
شىء كان موجود.. استشعر هذا الفراغ
احاول البحث ثانية

- لم تجدى شيئا اليس كذلك؟ هذا يعنى ان لاشىء مفقود
واذا كان هناك فعلا شىء مفقود ولم تستطيعى ان تتوصلى اليه الان هذا يعنى انك لم تشعرى انه فى يوم من الايام كان موجود

لا..لا .. انت لا تفهمينى
اشعر ان شىء ما مفقوووود

Tuesday, April 17, 2007

عندما يتاّمر الكون

عندما يتاّمر الكون كله لعدم تحقيق احلامك

عندها
..........................................................................................................
...........................................................................................................
.........................................................................................................
........................................................................................................
.........................................................................................................
...........................................................................................................
............................................................................................................
.............................................................................................................
...............................................................................................
............................................................................
.............................................
.........................
...............
.......
....
..
.

Monday, April 09, 2007

انا زعلانه اوى ..بس مش هابقى ضعيفه و مافيش دمعه حزن تانى


دخلت على سريرى على طول ومش رضيت اقعد اتعشى معاهم عشان ما حدش يلاحظ الدموع اللى فى عنيا
سريرى اخدنى فى حضنه قعدت اعيط كتير بس لحظه اخدت القرار
انى مش هاعيط تانى .. اصلا ما فيش اى حاجه فى الدنيا تستاهل اعيط ليه ؟وانام زعلانه ليه ؟..دلوقتى اقوم اشتغل افيد
مسحت دموعى و قمت فتحت الكمبيوتر ..قعدت قدامه دلوقتى
حاولت اشتغل .. بس مش قادرة .. ومش قادرة اكابر اكتر من كده .. انا ضعيفه اوى مش قويه ولا حاجه .. انا بردانه اوى .. وخايفه اوى..

محتاجه حد يحضنى اوى دلوقتى ويطمنى

نفسى اجرى على بابا وماما وانام وسطهم زى زمان عشان ما احسش انى خايفه
بس عمرى ما هاعمل كده دلوقتى عشان مش اخليهم يقلقوا عليا لانى عارفه انهم هايقلقوا عليا ويزعلو اد ايه لو شافونى فى الحاله دى
وانا اموت نفسى بس بابا وماما مايزعلوش لحظه .. يارب خليهم ليا يارب انا من غيرهم ولا حاجه ..
انا مجرد وجودى معاهم هنا دلوقتى بيطمنى اوى .. بس اللى مخوفنى اوى انى المفروض هابعد عنهم .. انا مش عايزه ابعد عنهم خالص عايزه افضل معاهم هنا يارب اموت قبل اليوم ده يارب يا رب انا مش عايزه اى حاجه تانيه من الدنيا الا انى افضل معاهم بس يارب..
كان نفسى علاء يبقى هنا
عشان اتكلم معاه بس هو مسافر دلوقتى
انا بحبك اوى يا علاء ومفتقداك اوى
وحشنى اوى بجد دخلت المدونه بتاعتك اتونس بكلامك واحس طيبتك حنيتك وشقاوتك والحقيقه كمان طمعا فى ابتسامه اهرب بيها من الحاله دى
واتمنيت تكون دخلت كتبت بوست جديد او رديت على التعليقات
بجد يا علاء محتاجه ليك اوى دلوقتى

فضلت اسمع الاغنيه اللى انت حاطتها ..
عارف تأكدت انك حاسس بيا دلوقتى عارف حسيت الاغنيه اوى خلتنى اعيط اكتر .. لاء خلتنى انهار

اصل نفسى صعبت عليا اوى يا علاء..

.. انا عايزه افضل مع بابا وماما واخواتى انا خايفه اوى ..هل ممكن اصحى فى يوم من غير ما ماما تيجى تصحينى وتقعد تتحايل عليا وتتكلم معايا وتجبلى مج الشاى فى السرير عشان افوق واقدر اصحى ولا احسسها بيا لما اكون مضايقه وحنيتها وتحفيزها وتشجعها ليا ووقفتها جنبى طول الوقت .. هل ممكن استحمل انى وانا سهرانه باليل ملاقيش علاء جاى يتكلم معايا ونفضل ندردش لحد الصبح او يفاجئنى بكوباية عصير او شاى وانا قاعده بشتغل .. ولا الشيتوس والمصاصه اللى ضرورى يشتريهم ليا كل ما يبقى جاى من برة.. ولا حنية ولاء وسؤالها عليا كل دققتين لما اكون تعبانه ولا فرحتى لما بابا يجى من الشغل ونقعد نتفرج مع بعض على التلفزيون ومنقشتنا وفرحتى لما بشوف فخرة بيا والفرحه فى عنيه لما اقول رأى يعجبه ولا لما يفاجئنى بحاجه وهو جاى من الشغل لمجرد معرفته انى كنت عيزاها
و لو فى مرة لقانى زعلانه ممكن يهدلى الكون كله.. ولا كريم واستحمالة لرزالتى عليه ومعاملتى النديه ليه بالعكس هو اللى بياخدنى على قد عقلى بالرغم من انى الكبيرة ولا الهوهوز والبونبونى اللى بيشتريم ليا وهو جاى من الدرس .. ياه اتكلم على ايه ولا ايه .. هما مش بيحبونى لانى بسمع الكلام ولا لانى بعمل اكل كويس ولا لانى.. ولا لانى.. ولا لانى ..
بيحبونى وبس كده من غير مقابل وهما بالنسبه ليا كل عمرى كيانى وجودى من غيرهم عمرى ما هبقى انا ..من غيرهم انا ماليش لزمه من غيرهم انا ماليش وجود اصلا هما الوجود
انا عمرى ما اقدر ابعد عنكم ابدا
انا عايزه افضل معاكوا

بذمتك ابقى عقله لو سيبت الحب ده كله ؟!
اصلا اسيبه واروح فين لحد يعاملنى كأنى جاريه حد ياخدنى من اهلى ويبقى هو كل حياتى واذ فجأة بعد خلاف بسيط اكتشف ان انا مجرد شىء فى حياته مالوش لزمه مجرد ديكور بيكمل حياته لان ضرورى يكون عنده زوجه مطيعه تطبخ وتمسح وتكنس .. وطول ما هى كده وبتقول حاضر هايفضل يقولها بحبك وحورات ولو مش كده او لو اختلفت معاه يختفى الحب اللى كان عمال يحكى فيه -وصدقته الساذجه - ومش بعيد يخيرها بين انها تعمل اللى هو عايزه او يسيبها
انا اللى يحبنى يحبنى من غير شروط يحبنى لاخر لحظه فى عمرة واوبشن انه يبعد عنى ده مايكونش مطروح اساسا حتى لو حصل ايه ومايكنش فى حاجه فى الكون ممكن تخليه يفكر مجرد تفكر انه يبعد عنى
هل ممكن الاقى حد يحبنى فى المطلق كده ؟! او يكون حنين عليا ويخاف عليا بالشكل ده؟!
اعتقد ان الاجابه الوحيده هى
مافيش
عارف يا علاء انا خايفه اوى
وحاسه بالقهر اوى
بس عارف خلاص دلوقتى انا ماسحت دموعى خلاص بجد .. عارف كنت محتاجه افضفض معاك بس (:

و عارف برضه
"خلاص مافيش دمعة حزن عشانه "
انا عارفه انت هاتقولى ايه
بس
تفتكر ممكن حد يسامح حد خلاه يعيط من الساعه 11 لحد الساعه 5 الفجر






Monday, April 02, 2007

احمد العايدى



خرجنا انا وطلال فيصل من الاوبرا كانت وجهتنا مترو الانفاق لانه اقرب شىء ممكن يوصلنى.. سرنا تحادثنا فى كل شىء تقريبا عن احلامنا ومخاوفنا وطموحتنا عن الدنيا وعدم استيعابنا لمنطقها .. كنت بفكر فى كل شىء كنت خائفه من كل شىء وصلنا امام المترو..توقفت للحظات شعرت بهذا الهواء الخانق الذى يتصاعد من داخل تلك الحفرة التى من المفترض ان ادخلها الان ولكنى قررت
" انا مش مستعده انزل تحت الارض دلوقتى "
وسرنا ..الجو مختلف تلك اليلة ..
تلك الاضاءة تشعرك انك تسير فى احدى شوارع مدن الف ليلة وليلة ..افكر للحظات لايمكن ان يكون هذا الجو طبيعى اعتقد انى اعيش تفاصيل حلم لانى استشعر كل لحظه اشعر ان الزمن اصبح اهدى فى سيره كأنه يتنزة على شاطىء المحيط الهادى فى ليلة صيفية .
كان الجو اسطورى بشكل لا يوصف
قلتله الجو حلو اوى النهارده قالى فعلا تحسى فيه بالسكينه .. وجعلنا كل هذا نستغرق اكثر فى الحديث عن احلامنا وطموحاتنا ومخاوفنا .. اتكلمنا فى الحياة وانطباعتنا عن البشر وهانعمل ايه فى الشغل و و و و و و و و و و و
السكون محتوى كل شىء حتى تلك السيارات المتحركه لكن احد تلك السيارت تهدىء من سرعتها واخذت تقف فى سكون ايضا يبدوا انها ستنزل احد راكبيها _ طبيعى جدا _ لكن قبل ان نتجاوز السيارة بخطوه واحده فقط شاهدته يخرج من السيارة وضع قدم ثم الاخرى وخرج من الباب الخلفى للسيارة

صدفه تجنن فرحت اوى بجد وانقضيت عليه حتى قبل ما يسترجع توازنه بعد خروجه من السيارة
احمد العايدى
قابلنى بابتسامته البشوشه وكلمته التى ينطقها
بنغمته الخاصه وبود شديد اول لما يقابل حد
" اهلالالالا"
سلمت عليه انا وطلال .. كان واحشنى جدا كان بقالى كتير اوى مش شفته
اتكلمنا فى كذا حاجه بسرعه وطبعا عمرى ما هنسى انه قالى ان مدونتى حلوه اوى فرحت جدا لما قالى كده قلتله انت شفت مدونتى قالى اه شفتها انتى عامله فيها حاجات حلوه بس ما اكدبش عليكى مش متابع على طول اصلى مشغول شويه
سلمنا عليه وكملنا مشينا اصبح الجو حماسى جدا بينى انا وطلال وقعدنا نتكلم عن الصدفه الجميله دى واتكلمنا عن القدر وان كل شىء مترتب وقعدنا نحسب من اول ما خرجنا من الاوبرا وقفنا قد ايه نتكلم هانعمل ايه فى الشغل ووقفنا كام ثانيه قدام المترو وازاى غيرت رأى فى اخر لحظه انى ما مش اركب المترو وحسبنا مشينا بسرعه كام خطوه وازاى كل خطوه كانت محسوبه لاننا لو كنا سابقين بخطوطين بس مش كنا هانقابل العايدى ولا نشوفه قلتله قد ايه بحب العايدى وهو انسان راااااائع وقالى قد ايه هو كان نفسه يقابله وعن انطباعه الاول عنه كنا مبسوطين احنا الاثنين اوى عارفين يوميها بجد نسيت كل حاجه كنت بفكر فيها وحاسيت انى بقيت فرحانه اوى
عارفين افتكرت كل ده ليه دلوقتى لانى دخلت مدونة العايدى ونفس درجة الفرح دى زعلت بيها لانى لقيت اخر حاجه كاتبها
"
هذه المدونة متوقفة لنفاذ الغرض من إنشائها"
بص يا عايدى حتى
ابقى نزل اخر اشعار انت كتبتها .. بص برضه انا عارفه انها حريتك الشخصيه ومش ليا الحق انى ادخل فى تصرفاتك و مش هاقعد اقولك ان ناس كتير بتحبك وناس كتير هاتزعل وكل الكلام ده بس هاقولك انا كنت داخله وعايزه اتكلم معاك لانى كل ما بحتاج اتكلم معاك او اطلب منك نصيحه او رأى فى اى حاجه كنت ببقى عارفه انت فين بدخل عندك واقعد اسمعك
بجد زعلت جدا






Tuesday, March 13, 2007

حاجات عبيطه


عارفين انا نفسى اوى اعمل فرقه نطلع على المسرح
نتجنن بجد نغنى كلمات مش موزونه والحان مش مترتبه نقول كل اللى يجى على بلنا مش عارفه
حلمى انى انعكش شعرى واقف امسك الميك اتكلم واغنى واتنطت واصرخ واصرخ واصرخ واتكلم بحريه اقول على احلامى وحاجات خنقانى
واكون لبسه لبس مبهدل مش ليق على بعضه وفى الغالب هايكون مش لبس بناتى وكمان مش حطه ميك اب
عارفين نفسى اوى اروح ديسكو بس اصحابى مش بيرضوا بيقولولى بطلى هبل
نفسى اوى اكون مصممة ديكور
ونفسى كمان اكون مخرجه
نفسى اعمل روايه او مجموعه قصصيه عارفين مش عيزاها تكسر الدنيا ولا تكون احسن رواية اتكتبت فى الكون ولا حتى اعلى او اقل من اى حاجه حد عملها
..انا بس عيزاها تكون حالتها ما ينفعش تتقارن بحاجه غيرها
عارفين نفسى اوى اتعلم ارقص تانجو وصلصا .. بجد اووووووووووى
نفسى اعمل برنامج للاطفال اقولهم فيه ماتشربوش اللبن لو مش بتحبوه ما تسمعوش الكلام لو مش مقتنعين
نفسى اعمل برنامج راديو يكسر الدنيا مش مهم اقول كلام يعجب الناس بس المهم يرضينى انا
نفسى اكتب فيلم حلو
كان
نفسى اعمل حجات كتييييير اوى ..ممكن اكون قلت عليها.. و حاجات اكتر مقلتهاش
بس معملتهاش
لانى خفت وبخاف






Tuesday, February 27, 2007





تواعدا اتفقا على اللقاء
حاولت الوصول فى المعاد
لكنها لم تسطتع تعطلت كل سبل الوصل اليه
تمنت ان تزورها الساحره الان بعصاها السحرية كى تعطيها اجمل فستان وتحضر لها عربه تجرها الغزلان لتذهب بها اليه قبل مرور الوقت ..لا ..انها لا تريد الفستان ..
فقط تتمنى ان تحصل على تلك العربة السحريه انه يعشقها هكذا دون ان تتجمل اوترتدى ملابس الاميرات.. فقط تحلم بأن تصل اليه
لكن تلك المعجزات لا تحدث فى الواقع لاننا لسنا احد السطور فى قصه خياليه
ظلت تحاول
جلست منتظره لكن طال الانتظار
فجلست محبطة
اننا اتفقنا على معاد ..ما الذى يحدث كنا نتقابل من قبل دون اتفاق
ماذا يحدث
..يمكن ان يكون القدر
.. لكننا لسنا مؤمنين به ونستهزء دائما من هؤلاء الذين يقولون ان الحظ شاء نؤمن اننا من نصنع قدرنا
لكن ماذا نسمى ما يحدث اذا؟!!!!!!!
واثناء شرودها وانتظارها وجدت طريق.. ذهبت سريعا الى مكان اللقاء مهروله وصلت اخيرا لكن.. ليس فى المعاد كان قد انتصف اليل و كان قد ذهب
جلست
بكت وبكت وبكت
ظلت تبكى طويلا
تجولت فى المكان
ووجدت اثارة فى كل مكان قد انتظر طويلا وتعذب كثيرا ..اخذت تلتقط الاوراق ورقة تلو الاخرى .. تلك توضح مدى حزنه تلك توضح عشقة الابدى لها وتلك تحمل بعض دمائه لاحظت.. كل الاوراق تحمل اثار دمائه لقد ادماه عشقه لها ..تبكى و تبكى وتبكى
لكنها فجأة توقفت
قررت لن تستمر فى البكاء
قررت ان تبتسم لانها تعلم انه سيأتى مرة اخرى تريد ان تكون اخر اثارها ابتسامات
اغلقت على احزانها ودموعها وخوفها بداخلها جيدا و تجولت فى ارجاء المكان وهى تبتسم وتنثر ضحكاتها
كم كانت ساذجة
الا تعلم ان الابتسامات المزيفه لا اثر لها

الحزن يمزقها الخوف يزلزلها الدموع تشوهها
ثم تلاشت



Monday, February 26, 2007

يبنى فوق اللغة بيوتا..طلال فيصل


( إلى التي سألت :هل من الممكن أن تتزوج عليّ ؟! )



مثنى وثلاث ورباع


طبعا ممكن

فلنتصارح قبل مرور العمر الرائع بين يدينا ومضة برق

ولنتفاهم

ولنتفق الآن برفق

لا يوجد رجل في الدنيا تكفيه امرأة واحدة

خير الله كثير حولي

وأنا لست قليل الذوق

وأنا رجل يفهم في الحب وفى الشوق

كفى عن خبط المنضدة ولا تنفعلي ..لا تمتعضي ..لا تنصرفي

ودعيني أبسط آرائي قبل..الشنق

*******

حين يمر العام الأول نبدأ نشعر أن الدهشة فقدت في القلب ملامحها

يفقد فينا الشوق صباحه

أن الملل تجرأ ليزور مدينتنا

نبدأ نزعم أنا نحتاج إلى راحة

لكن حين ستقتربين فأسمع همسك عندي لك خبر فتماسك وتشيرين لبطنك في خجل فأراني كالمجنون أحاول

أفهم هل سأصير أبا بالفعل وأسمع قلبي بين ضلوعي خيلا تتراقص في الساحة

وألاحظ ما تفعل فيك شهور الحمل و خطوة مشيتك المرتاحة

وتصيرين كزهرة لافندر فواحة

ومدورة كالتفاحة

وحين أراك أتيت إلى بخير هدية

وجبينك وسط الإرهاق كصحراء تبحث عن واحة

يأخذ قلبي شكلا آخر

وتصيرين امرأة أخرى

**********

لا أتشاءم لكن عفوا حين يدب خلاف أول

يركب عقلي موج الغضب

فيركب قلبك موجا أطول

يرتعش غروري فلتذهب

ما أحلى طعم الحرية

لن أعتذر ..ولن أنكسر ..ولن أتوسل

ثم يمر اليوم فأندم :

كم كنت غبيا ومغفل

وأبعثر خطواتي نحوك

طفلا خجلا مما يفعل

حين سأدرك أن حياتي ليس تساوى دونك شيئا

وحين سأطبع فوق جبينك أول قبلة صلح بينا

يأخذ قلبي شكلا آخر

وتصيرين امرأة أخرى

************

حين ينام على كتفينا زهر العمر

يحكمنا القانون الأبيض

تختبىء وراء الحناء بقايا الشعراوات السمر

نحتضن الماضي في صمت

لن يتبقى غير قوارير من الوحدة يغلقها فينا الأبناء بختم الهجر

ننتظر مكالمة تأتى أو لا تأتى

ننتظر مراسيل البحر

وجع الركبة ..أدوية السكر والضغط

وتسندنا حين نقوم نصلى الفجر

وحين أراك.. ترتشفين القهوة صمتا في جلسة ما بعد العصر

يأخذ قلبي شكلا آخر

وتصيرين امرأة أخرى

*******

حين وحين وحين

كفى عن طرح الأسئلة

ودعينا الآن لكي نشهد ما يفعله فينا الزمن وعبث فروقات التوقيت

ملك يأمر لنطاوعه كالأتباع

يهدم لو شاء ملامحنا

ويشيد للروح قلاع

وقفي معي لكي نتأمل

لغة الوقت ولغة الريح وحركة دوران الإيقاع

يا سائلتي هل هو ممكن

طبعا ممكن

أنت الآن بكل بساطة

مثنى وثلاث و..رباع




من ديوان طلال فيصل الاول " الملائكة لا تشاهد الافلام الاباحية"
مبرووووووووووك يا جميل وعقبال الديوان المليون
http://almala2kala.blogspot.com/
شفوه بصراحة ديوان جاااااااااااااامد طحن
اعلان غير مدفوع الاجر
ما تفرحش اوى كده ياطلال ها تدفع بس باعدين

Saturday, February 24, 2007


اتعلم
اكثر ما اكرهه فى حياتى ؟

الكذب

Sunday, February 11, 2007



وقفت امامها حادثتها حادثتنى سألتها
مرايتى يا مرايتى
فى حد اجمل منى ؟؟
تقول لى لا ولن يكون
اقول لها طيب نانسى عجرم
تقولى دى تقفيل مستشفيات
اقولها طيب هيفاء تقولى سيلكون
طيب يا مرايتى وابتسم وافرح على كده
تانى يوم اجى اعدى بالصدفه المح حد فى المرايه ارجع اتأكد
اسألها تانى مين دى تقولى انتى
اقولها انا كان شكلى غير كده امبارح
تفضل تعرفنى عليها خلاص اصدق واقول دى انا
اجى اعدى مره تانيه الاقى حد جديد
ينهار مش فايت مين دى تقولى انتى
عارفين ساعات بشوف نفسى حلوه اوى كأنى اميره خارجه من قصه خياليه وساعات بشوفنى وحشه جدا واقول ازاى الناس قادره تبص فى وشى
وعلى كده بقى انا مش قادره اعرف انا شكلى ايه

بجد لحد دلوقتى مش عارفه كل مره اشوفنى فى المرايه الاقى شكل جديد وكل مره اتصور صوره تطلع مختلفه عن الصوره اللى قبلها وبجد ها موت واعرف انا شكلى ايه والناس شيفانى ازاى
مش عارفه انا لوحدى كده ولا كل الناس كده هل كل حد فيكوا عارف شكله ايه ولا برضه ما حدش عارف ؟







Tuesday, January 30, 2007


جلست الان امام شاشة الكمبيوتر قررت ان اكتب
تلك هى المره العشرين تقريبا الذى اجلس فيها امام الكمبيوتر واقرر ان اكتب واقوم دون ان اكتب شىء
.. بداخلى اشياء كثيره ..اريد فعلا ان اكتب لكن ايضا دون فائده لا يريد الكلام ان يخرج فعلا يأست ..وقررت ان انهض واترك الجهاز كما كل يوم وايقنت ان هذه هى النهاية لم اعد استطيع الكتابه او التعبير عن احساسى او مجرد الحديث والفضفضه مع اصدقائى لكنى لحظه وعدت مرة اخرى بأصرار سأكتب.. سأكتب اى شىء سأحرك يدى على الكى بورد ويخرج ما يخرج وليكن اسوء ما كتبت على الاطلاق.. لن استسلم لتلك الحاله لماذا تجافينى لماذا تهجرنى وتتخلى عنى ؟ حاولت محادثتها حاولت استرضائها ادارت لى ظهرها ذهبت وجلست فى هذا الركن بعيدا نظرت لى مستائه وقالت لى فى تحدى ..
- لن تستطيعى الكتابه بدونى انت تخليت عنى من اجل ان تستقرى تخليت عنى لكى ترتاحى من التفكير تخليت عنى من اجل تلك التقليديه الخانعه القانعه اليست سعيده الان انت حققت لها ما كانت تريد الامان اذهبى وعيشى معها فى هذا الامان الم تكبلينى من اجلها الم تتركيننى اتوسل اليك انى ارغب حريتى انى اخشى الاماكن المغلقه انى اهوى الترحال انى اريد اريد العيش فى الغابات وبالرغم من ذلك لم تلتفتى لى عاملتينى على انى امر واقع لن استطيع ان اهجرك لكنى بعد اليوم لن اكتب لكى لن اعيش تلك الحياه معك ومعها اكتبى انتى لو تستطيعى او اجعليها هى تعبر عنك ان استطاعت الان ارينى كيف ستبدعى يمكنك ان تكتبى لكنك ستخرجين تلك الكتابه التقليديه الباليه كما تكتبين الان ولن تستطيعى ابدا بدونى ان تخرجى رائعتك التى تمنيت معى انت
اتذكيرها تلك الرائعه التى حلمنا بها سويا تلك الرائعه التى كنتى تقولى انك بها
ستضعى ماركيز فى حجمه الطبيعى
انها معى الان واعلمى جيدا انا فقط من استطيع كتابتها وليس انتى ولا هى
ارينى كيف ستكتبى
انظرى حتى الى كتابتك الان اصبحت بلا روح ولا احساس مجرد جمل حتى صياغتها باليه جمل هشه الفاظك مكرره انظرى حتى انك تعانين كى تكتبى الان تفكرى مرارا وتكرارا كى تجدى اللفظ المناسب لم يعد لديك خيال اصلا انتى ليس لديك خيال انتى لا تستطيعين الكتابه لا تكابرى انا فقط من استطيع
اذهبى معها اذهبى لكن انا لن اكتب لكى وكيف تطالبينى بذلك وانت من كبلنى

-اعلم جيدا انك تعاقبينى واعلم جيدا ايضا انى لا استطيع الكتابه بدونك اعلم انك فقط من تسطيعن ان تصلى اللى حيثما لم يصل احد من قبل اعلم هذا العالم بداخلك اعلم انك اذا اقتربتى اخترقتى ونحن اذا اقتربت احترقنا واعلم جيدا انك تلومينى على انصياعى لها واعلم انك تكرهينها اعلم انك خيل برى لكن لم يعد بستطاعتها الركض خلفك انها ضعيفه وخائفه ارحمى ضعفها كان على ان اكبلك و
-انتظرى انتظرى حتى انك تشفقين عليها وانا تكبلينى من اجلها ؟! الا تشفقين على هى خانعه تضحين بى من اجلها من اجل ان تظل مكانها لانها لن تتقدم لن تذهب الى مكان ستظل فى مكانها انها لا تجازف انى اكرهها انا سأصل للسحاب اتذكرين حلمنا سأحققه .لكن هذا القيد يقتلنى انى اموت

-اترى انت لم تتركينى اكمل حديثى دائما تقاطعى لا تريدى ان تسمعى صوت غيرك انت.. انانيه لا تفكرى الا فى ذاتك اتعلمين كنتى انت دائما القويه جميع الاضواء مسلطه عليكى يثنى الجميع على قوتك وتستمتعين انت بذلك تتركيها بضعفها وخوفها تهمشيها تتركى الجميع يراكى انت فقط وتدفعى بها بعيدا تموت خوفا فى وحدتها حتى لم تتركى الناس تتعرف عليها او حتى تراها ايمككنى الان ان اكمل ما كنت اقول كنت اقول انى اعلم كل هذا لكن اعلمك انت اكثر اعلمك جيدا وانت تعلميننى فلا تعاندى معى لانك تعرفى كيف هو عندى
-فعلا انى اعرفك جيدا وعرفتك الان اكثر انك تضحين بى فى سبيل تلك الحمقاء الخانعه وكما تقولين انت تعرفيننى وتعرفى انى قد اموت فى سبيل افكارى وفى سبيل تحقيق احلامى وتعلمين جيدا انى لن استطيع العيش هاكذا تلك الحظائر الجميله والاسوار الملونه لم تخلق لى انا خلقت فقط كلى اعيش فى الغابات كى اعيش فى السحاب كى اعيش هناك فقط لن احدثك مرة اخرى واستمرى فى الكتابه هكذا بذلك الاسلوب الرث الذى اشعر بالغثيان من مجرد قرائة مرة اخرى ودعى الجميع يسخر منك نعم لن استطيع تحرير نفسى من قيودك لن استطيع الذهاب لكنى سأظل هنا اتابعك واسخر منكما واعلم انى لن اظل طويلا سأموت قريبا جدا لان الاحلام هى زادى وانت منعتيها عنى
وانا سأمنع عنك حلمك لن اكتب

ذهبت بعيدا عنى تدور قلقه فى كل مكان تبحث عن مخرج وبالرغم من تكبيلها لكنها لم تزل قويه فعلا انى احسدها
ظللت اراقبها شيئا فشيئا بدأت تضعف ارى شحوب الموت على وجهها فعلا اشفق عليها لكنى لا ا ستطيع ان افعل شىء لها لن استطيع ان اقتل الاخرى او اخلى بها انها ضعيفه وتعتمد على كى تحيا هى حره اعلم انى اظلمها و اتحامل عليها يمكن لاننى ارى لانها قويه اعلم انها ستجتاز تلك المرحله ستتعلم كيف تتعايش مع اخر ضعيف ستتعلم ان تكف عن عندها اعلم انها لن تستطيع العيش دون ان تكتب اعلم انها تعاندنى فقط لكنها ستعود
ظللت اتابعها تشحب اكثر واكثر
فعلا انها لم تكن كاذبه انها لا تستطيع ان تعيش مكبله

خيل برى كان يطير وينطلق فى كل مكان فجأه وجد نفسه فى حظيره سياجها ذهبيا لكنه لا يريد سوى الحريه
اراها تحتضر لكن اتعلمون انا لا استطيع الحياه بدونها لانى لن اكون انا
هى فقط من كانت تعطى للحياة طعم هى من كانت تصبرنى هى من كانت تشجعنى وتحمسنى وترسم لنا الاحلم وتسعى لتحقيقها لم تكن تبالى لاى شىء
هل ستموت الان وتتركنى وماذا سأفعل بعدها
الاخرى ..الاخرى انا من احميها ستبقينى معها امنين فى ذلك القفص تخشى الطيران تخشى المجازفه لن ترغب حتى مجرد محاولة التخيل هى سعيده ها كذا هى قانعه هاكذا
كل ما يهمها ان تكون فى امان فقط بغض النظر عن اى شىء اخر
نعم اشفق عليها ودافعت عنها كثيرا
لكن هل استطيع العيش معها طويلا هكذا؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟



Thursday, January 18, 2007


الدنيا ربيع والجو بديع قفلى على كل المواضيع
قفل
قفل
قفل
قفل

بصوا يا جماعه انا كنت مقرره اشكر كل حد وقف معايا واكتب بوست عن كل انسان اعرفه او ماعرفوش وقف معايا ازاى مهما اتكلم عمرى ما هقدر اوضح امتنانى اد ايه ، و بجد مش عارفه اقولكم ايه الا انى
بحبكوا اوىىىىىىى
واتمنى ان ماحدش يبعد عنى فى يوم من الايام ابدا دلوقتى حتى كل حد مايعرفنيش ودخل ساندنى بتعليق برده دخل الدايره ومش هايعرف يخرج يعنى هاستناكوا هنا على طول وهاتعرفوا اللى بيبقى صاحبى بيعانى اد ايه
اشكر الجميع ومش عايزه اطول فى الموضوع اوى بقى
ومش عايزين تمثيل انتوا غصب عنكوا كان لازم تعملوا معايا كده وكان لازم تفوا معايا ..وماحدش ها يقدر يبعد عنى
ايوه
هو كده.. عافيه
ارجع لسابق عهدى بقى
مش انا مركز الكون ولا ايه
:)

Monday, January 08, 2007

the end


تم ايقاف هذا البلوج النحس
الذى كان اسوء شىء حدث لى فى حياتى
وبسببه اندثرت حياتى
اشكر الجميع
واطلب الغفران

انا كما لم يرانى احد من قبل


انظر الى ..انظر الى جيدا اترانى
لا انك لا ترانى انك فقط ترى تلك الابتسامه الطفولية وتلك النظره البريئه
وتلك الملامك وتلك الشخصيه التى توحى لك انى ملاك من السما كما قال احمد درينى "موفدة من السماء ملاك فى صورة بشر "لكنى ليس هذا الملاك مع الاسف يا درينى
انا مركز الشر فى الكون
تخدعك بكل هذا بينما داخلها يعتمل الشر تقف لك بالمرصاد تجمع الخطىء تلوا الاخر او ما قد تتصوره هى انها اهانه دون ان توضح لك حتى ان هناك شىء ان فعلته ضايقها وتتصور انت ايها الضحيه انى متسامحه وقلبى ابيض ومابشلش حاجه
بينما هى تترصد لك وتجمع نقاط ضعفك وتدرس ما يمكن ان يؤلمك بشده -حاجه منتهى القرف -
تأخذ وقتها الى ان تتمكن من فريستها
فتعطيها اول ضربه ثم الثانيه ثم تتوانى بالضربات القاضيه عليها
فتسقط ضحيتها صريعه او فى احسن الاحوال فى اعياء تام
تلك هى دعاء التى لا يعرفها احد او عرفها القليل جدا ممن عانوا تلك الافتراسه
فا احترسوا جميعا
انى اتحدث بصدق الان فا اغتنموا الفرصه صدقونى
ولا تحاول ان تأتى الى لتقنعنى انى مش كده وانى عكس كل ما كتبته هنا _هذا اذا كنت لا تزال احد المخدوعين ولم تلدغ بعد_لانى وقتها سأثتثمر الفرصه وستظهر دعاء البريئه الطيبه وساعتها ستكون انت الضحيه الجديده
فا احترسوا جميعا
قال لى عبد الله احمد فى احد المرات قبلما اكتشف ان ذاتى تلك وكنت اظن مثل الجميع انى ملاك قال لى انت من سيظهر فى اخر الفيلم وتكونين انت القاتله التى تقضى على الجميع دون ان يشك احد فيها طوال الفيلم ما اصدق توقعاتك يا عبد الله
فا احترسوا منى جميعا
الى اصدقائى جميعا من فهم حقيقتى هذه ومن لم يفهم بعد
اعتذر منكم جميعا واقول لكم انكم افضل شىء حدث لى فى حياتى
انى عشقتكم حقا
وانى لا استحق مجرد معرفه اشخاص مثلكم اخذت الكثير منكم وخذلتكم كثيرا خذلتكم كثيرا كثيرا اشكركم ملىء السماوات والارض
لكنى
سأتركم اليوم قبل ان يقع احد اخر ضحية لى

لكن ارجوكم ان تسمحوا لى بالعوده فورما اشعر انى استحق ان اتعامل مه بشر
فورما اشعر انى احترم الصداقه واتأكد انى تعلمت التعامل كأنسان وليس كا عقرب
وفورما اشعر انى استحق التعامل مع من هم فى مثل صفائكم
اعتذر منكم جميعا
واعلم انى لا استحق العفران
او ان تصفحوا عنى
اعتزر منكم جميعا واعلم انى ان ارتقى يوما لأصل الى ربع مستواى انسانية احدكم
حتى اذا جلست فى محراب اتعبد واستغفر طول الباقى من عمرى
ولكل شخص جرحته اوعده انى سأقتص له
وسيكون القصاص عادلا
عادلا جدا
انا دعاء كما لم يرانى احد من قبل


Sunday, January 07, 2007

امسك بيدها متلمس الامان ..انهالت عليه طعنا


انتهت اخيرا من غسل اطباق العشاء احضرت معها طبق من الفاكهه ووضعته على المنضده جلست على الكنبه الوثيره امام التلفزيون طفلها جالس يلعب على الارض بينما تناثرت لعبه فى كل مكان نظرت له مبتسمه لم تشأ ان تنهيه عن ذلك او تعنفه نظر لها مبتسما جرى عليها جلس فى حضنها احتضنته بقوه
قال لها احكى احكى لى حكايه جلست تحكى له وتغنى له نظرت اليه ها هو قد نام نظرت
له تلك النظره الحانيه وضعت قبله على جبهته
ربنا يخليك ليا يارب انا مش عارفه كنت ها عيش ازاى من غيرك
انت احلى حاجه فى حياتى بل انت حياتى نفسها
حملته الى سريره واحكمت الغطاء عليه وتأكدت ان لعبته المفضله بجواره
لم تغلق الباب تماما تركته مفتوح قليلا لانها تعلم انه يخاف من الظلام
وجلست امام التلفزيون كانت قناة الاطفال امسكت بالرموت الان معاد برنامج اوبرا الذى تعشقه لكن قبل ان تضغط على الرموت هاهو يبدأ للتوا كارتون طفلها المفضل لاول مره ينام قبل ان يشاهده فقررت ان تسجله له وانتظرت حتى انتهى
غيرت القناه البرنامج لازال شغال تستطيع ان تشاهد اخر ربع ساعه
كانت اوبرا تجرى حوارا داخل السجن جلست تستمع محاوله فهم ما فعل هذا الرجل ما جريمته لكنها صعقت عندما علمت انه قتل ابنتيه
يا الهى كيف استطاع ان يفعل هذا انه حيوان لا الحيوانات تخاف على ابنائها انه يستحق القتل اخذ يشرح كيف قتلهم انه طعنهم بالسكينه بنت طعنها 18 طعنه والاخرى14
اخذ يبرر ويقول انه لم يكن فى وعيه انه كان يعانى من الاكتئاب كان خائف عليهم من الحياه
احترق قلبها عندما عرضوا صور للفتاتين كانتا توأم اشبه بلملائكه واخذت تحادث نفسها ايها الشيطان كيف استطعت فعل ذلك اتقل انك كنت تعانى من الاكتئاب فلماذا لم تقتل نفسك لماذا لم تنتحر وتتركهم وكان هذا ما سئلته له اوبرا اخذ يبرر ويشرح ابعاد هذا الاكتئاب بعد ذلك فى الاستديوا اخذت اوبرا راى اطباء نفسيين واخذوا يفسروا المرض
انه اكتئاب لا يشعر به من هم محيطين بالمريض تأتى له هلاوس ويعانى من خوف مرضى على كل احبائه مثلما تفعل القطط احيانا تأكل اطفالها خوفا عليهم
لم تقتنع بأى من هذا الكلام كيف ذلك كيف لى ان اقتل طفلى هذا
لأول مره لا تعجبها مناقشة اوبرا للموضوع كانت تريدها ان تطالب بالاعدام لهذا الشخص وكرهت تعاطف الجميع معه ولم تصدق دموعه ولا قوله انه نادم ويتعذب لم تصدقه عندما قال انا اريد الاعدام لن استطيع العيش بذلك العذاب
فقامت بتغير القناه حانقه
..اشاهد الاخبار افضل
جلست تشاهد حدث تلو الاخر.. ما هذا العالم اغلقت التلفزيون وجلست لتقرأ
ذكرتها بطله تلك الروايه بما حدث لها وحملها خيالها بعيد تذكرت ايام الطفوله .. لم يكن احد يشعر بها كانت طفله وحيده ولم يكن لها اصدقاء سرحت اكثر تذكرت كل الطعنات التى تعرضت لها عندما كانت فتاة يافعه تتعرف الى الحياة هذه من صديق وتلك من اخ ومرة من زوج تعلمت ... ياه ما اصعب هذه الحياه لماذا اتينا الى هنا مكاننا ليس هنا لا اريد التعامل مع هؤلاء البشر تداعت الافكار عليها وغاصت بداخلها اكثر فا اكثر فا اكثر
رن هاتفها لم تجيب لم تلتفت اليه لم تلحظه اساسا
عينيها شارده
.. استمر الهاتف فى الرنين
دوامه تدور فى رأسها..
استمر الهاتف فى الرنين .. وحوش ضاريه تمزق روحها
خرج الطفل من غرفته حركت رأسها ببطىء فى اتجاهه
نظرت له نظره صماء ثم وقع نظرها على السكينه القابعه فى طبق الفاكهه
اخذتها وببطىء تقدمت نحو صغيرها ..
لم يتحرك نظر لها مبتسما فى برائه
نظرت له نظره خاويه
رفعت السكينه ثم طعنته نظر لها معاتبا .. امسك بيدها الاخرى متلمس الامان الذى كان يستشعره معها عندما كانت تجتاز به الطريق .. لم تعره اهتماما انهالت عليه طعنته
وطعنته وطعنته وطعنته وطعنته وطعنته وطعنته وطعنته
لحظه سكنت وسكن كل شىء توقفت

نظرت له مازالت نظرتها شارده كان لا يزال ممسك بيدها نظرت له
جفنه الصغير يثاقله الموت

ضغط على يدها قليلا نظر لها وابتسم
اغمض جفنه لاخر مره كستار مسرحيه انسدل قبل ان تبدأ
نظرت له كان مايزال مبتسم لها

جلست بجواره لم تتحرك شاخصة البصرلم تبكى قط
***********************************************
فى المحكمه جالسه فى قفص الاتهام
النيابه تدينها وتنعتها بأقسى الاوصاف وتطالب بأقسى العقوبه
الدفاع يطلب الرئفه بحالها ويقدم حجج دفاعه على اساس مرضها النفسى
ينطق القاضى بالحكم
غير مدانه برائه وتعالج فى مصحه نفسيه
وهى صامته لم تتحرك نظرتها شارده حزينه
وابتسمت ساخره اصفحوا عنى وكيف اصفح انا عن ذاتى .. الا تعلمون انا قتلت سبب وجودى .. وكيف سأحيا من بعده .. اذا كانت هناك لحظات تشترى
اشتريت تلك اللحظه بكل عمرى لامحيها تماما لتبقى معى .. اه ياعمرى .. كيف فعلت هذا .. كيف طعنتك لماذا لم افكر قليلا قبل ان افعل ذلك .. لكن بماذا ينفعنى الندم.. انا قتلتك يا صغيرى وانت مبتسم لى
.. لماذا لم يحكموا بموتى لا
انا لا استحق رفاهيه الموت استحق ان اظل فى تلك الحياه الباقى من عمرى بدونك استحق كل لحظة الم ..

حتى الغفران والصفح عندما اذهب واقابلك هناك لن استطيع طلبه
يا الهى
هل استطيع ان اطلب الغفران وكيف اطلبه وانا لا اغفر لنفسى
يا الهى عذبنى ما استحق يا الهى عذبنى ملىء ملكوتك وكونك لا ترحمنى
لا تأخذك بى رأفة ولا شفقه يا الهى انزل بى جم غضبك
فأنا لا استحق الرحمه














Friday, January 05, 2007

كان صرحا من خيالى.. لكن ما اروع الذهاب هناك



اكتشفت
ها ها ها


لا ..لا تبتسم تلك ليست ضحكات سعادة لكن كما تعلم شر البلية ما يضحك

فدعنى اضحك كثيرا

ها ها ها ها هاااااااااااااااااااااااااااااااااااا
ودعنى اقهقه اكثر

ههههههههههههههههههههههههههههههههههههههههههههههههههههههههههههههههه
اتعلم اكتشفت الان فقط انت تتلمسها فىّ
تبحث عن شظايا حديثها معك فى حديثك معى
ياااااااه كيف لم اكتشف ذلك
اكل ما حييته معك كان وهم اكل ما شعرته معك كان خيال
لم اقل لك هذا من قبل
انى عشقتك اكتر من ذاتى كل شىء جيد كان يحدث لى كنت احزن لانه اتى لى ولم يأتى اليك
كنت ادعوا الله لك قبل ان ادعوا لنفسى
.. يا الهى اذا كان هناك خير مقدر لى ارجو ان تجعله له
.. يا الهى ارجو فقط ان يكون سعيد تلك هى كل امنياتى وجنتى وسعادتى وحياتى ارجوك يا الله
اتذكر ذلك اليوم عندما تحقق خير لى لكنه لى وحدى لى مباشرة وليس عن طريقك اذكر تلك اللحظه انهرت لم استطيع الصمود وسط نظرات الناس المتعجبه انهمرت دموعى سالت على وجنتى نظرت الى السماء معاتبه
.. هذا ما كنت اتمناه لحبيبى وليس لى
حبيبى تلك الكلمه التى نهرتنى فى احد المرات على مناداتك بها
قلت لى اعم انى حبيبك ولكن ليس هناك داعى لقولها تكرارا
الهذا كنت تنهرنى عن قولها لانى اذكرك بها
دعنى اقولها لك الان -مستعيره شر الاطفال عند الخصام- يا حبيبى يا حبيبى يا حبيبى

عشت معك مكبلة المشاعر لم استطع ان ابوح بكل ما فى قلبى لك تلبيا لاوامرك قلت انك تريد ان تعيش حياة هادئه وليست عاصفه وفعلا فعلت ما قلت لى وكيف لا افعل يا عمرى وكل حرف تقوله دستورا لى اخفيت مشاعرى واه لو تعلم ما فى قلبى
مع انى استحق اكثر من ذلك استحق حبا بعفوان الحياة وقوة الموت

كيف لم اشعر بهذا من قبل كيف لم اكتشف ذلك من قبل كان هذا الصندوق امامى طوال الوقت
وانا انظف المنزل وازيل التراب عن الاثاث وعن كل شىء وعنه ولم افكر يوم بفتحه لكنى اكتشف هذا الان فقررت ازالة التراب عنه وفتحه
وجدت رسائلها لك وجدت رسائلك لها
انتظر قليلا اعلم انك تسخر منى الان وتقول انى تافهه وعقلى صغير شأنى شأن كل السيدات لان كل الرجال لهم علاقات وقصص حب كثيرة قبل الزواج
واعلم انك تقول ايضا انك حكيت لى جميع تلك القصص وصارحتنى بكل شىء يا عزيزى اعلم كل ما تقول هذا ولذلك عندما امسكت بأول ورقه كنت مبتسمه لانى اعلم ذلك وابتسمت لانى انتصرت عليهن جميعا وانت معى الان لكن سرعان ما بهت وتحولت تلك الابتسامه الساخره منهم الى ضحكات وقهقهه ساخره من سفهى وسذاجتى
واستغفالى امتلئت عينى بالدموع شفقه على نفسى
قرأت كلماتك لها يا الهى
انت قلت لى هذه الكلمات هناك اتذكر
.. تلك اللحظات التى كانت اقدس لحظات حياتى
تلك اللحظات التى ........ يا الهى تلك الجمله التى كنت سأقولها فى توصيف تلك الحظه انت قلتها لها ..ااخذتها ايضا الى هناك ؟ّّّ؟؟ ! بل وانت من شعرت معها هذا الشعور‘ عندما ذهبت بى الى هناك انا من شعرت هذا الشعرور يا الله اكانت لحظاتك مميزه معها اكثر منى لانك لم تقل لى تلك الجمله
حتى اللحظه لم تتركها لى؟
كل ما شعرت كان وهم كان سراب كان خيال لم يكن حقيقة
تلك اللحظه كانت كذبه؟!
لا والهى لم تكن كذبة نعم قد تكون انت الكذبه
لكن الحظه كانت صادقه وما شعرت به كان حقيقياً
لا
لن تستطيع تشويه هذه اللحظه لى
سأذهب الى هناك مره اخرى بدونك
وسأشتكيك
سأتخلى عنك سأتركك لكنى وألهى لن اتخلى عن هذه اللحظه
اتعلم ما جرحنى انك لم ترهق نفسك فى محاولة اخفاء تلك الرسائل تركتها امامى كأنك تستخف بذكائى وانى حتى لو وجدتها لن استطيع ان اجد الرابط
او لن اتذكر تلك الكلمات وهذه اللحظه
لكن ما جرحنى اكثر وادمى دموعى انى وجدت رساله كتبتها انت الىّ اتعلم ما الفرق
انك تعشقها هى تعشقها فى المطلق تعشقها بجرحها لك تعشقها ككل دون ان تعطيك شىء لكن معى تحدثت عما اعطيته لك انت لا تحبنى اعلم انك ممتن لى لكنك لا تحبنى
اتعلم اصعب ما فى كل ذلك انى عشقتك بحق وتخيلت انك تعشقنى
وكيف تخيلت ذلك لا اعلم
لكنى فهمت كل شىء الان وفهمت ما قد فهمته خطأ فى يوم من الايام
اتذكر عندما قلت لى اخشى ان اصبح مثل صديقا لى كان يحب فتاه وحدث خلاف بينهم ولكى يعاندها ويغيظها ذهب وتزوج فتاة اخرى فا اصبح هو يتعذب وحبيبته وزوجته
لو كنت فهمت معناها وقتها ما كنت تزوجتك لماذا لم تصارحنى اتعلم انى كنت احسب ويالى غبائى انى حبيبتك وتخشى ان تتزوج بغيرى
ههههههههههههههههههههههههههههههههههههههههههههههههههههه
حقيقة كلما افهم ما كنت افهمه خطأ اضحك كثيرااااااااااااا
تركت الصندوق والرسائل وضحكت كثيرا لكنى قررت الان
سأذهب الى هناك بدونك تلك المره
سأشتكى منك كثيرا وابكى كثيرا كثيرا
الى ان اطهر قلبى من ذنبك
واعلم اننى سألقى العون
بعدها سأجفف دموعى ولن اعود الى منزلك

ياااااه ما اقسانى لماذا اتحامل عليك هكذا
اعلم ان كلماتى تلك ستسبب لك الالم
وكيف لى ان اجرحك بهذا الشكل
لكن لا تتألم يا حبيبى
لا ذنب لك انت لم تخدعنى لم تقول لى احبك مطلقا
انا من نسجت قصة حبك لى فى خيالى
انت لم تخدعنى انا من خدعت نفسى
انت عاملتنى بأفضل ما يمكن ان تعامل امرأه عاشقه من شخص لا يحمل لها اى مشاعر حب .. ضغط على نفسك وعلى اعصابك
يااااااه اعلم الان كم قاسيت وكم كان عشقى لك عبىء عليك
اعتذر لك بشدة اغفر لى
وكل ما اريدك ان تعلمه الان انى لا اتألم انا سعيده ولا تتخيل انى اكرهك
وكيف لى ان اكرهك كفانى فقط انك علمتنى كيفية الذهاب
صدقنى انا لا اتألم
ما اروع الذهاب ما اروع شعورى هناك
اجد نفسى هناك
فقط اشكرك لانك من وصلتنى
حيث انتمى بعدما كنت اشعر بالغربه
فتأكد انى اكثر مخلوقات الكون سعادة

لكن
توجب على الذهاب الان
لن ترانى مرة اخرى
اتعلم الى اين
سأذهب الى هناك لكن الى حيث لن تستطيع الوصول
لذلك
احلك الان من كل ارتباط بيننا او تخيلت انه كان هكذا



ينهار مش فايت ايه اللى حصل فوق ده ..وايه الدموع دى ايه اللى انتى حاسه بيه ده وليه تعملى فى نفسك كده .. فوقى فوقى بسرعه ده مجرد تخيل كل ده عشان بس اتخيلت انى بحب يحصل فيا كل ده امال لو حبيت فى الحقيقه والواقع ها يحصل فيا ايه.. لاء لاء يا ربى احمينى انا مش عايزه احب
انا نفسى افهم انتى ايه
ثم ايه ده اصلا المره الوحيده اللى اتخيلتى انك بتحبى تتخيلى كل العذاب والمشاكل دى
ايه الخيال المريض ده.. مش تتخيلى ان الحياه زى الفل وبيموت فيكى ومش قادر على بعدك وبيقولك بحبك وحوارات كده .. حتى مش قادره تحبى فى خيالك.. ده ايه القرف اللى انا فيه ده
معلش يا جماعه الحوار الاخير ده كنت بأدب نفسى اصلى بجد اتخنقت منها اوى واديكوا شايفين بتعمل فيا ايه





Wednesday, January 03, 2007

انتظار


انتظرت وانتظرت وانتظرت..سيأتى انا متأكده .. انتظرت وانتظرت وانتظرت

لماذا لم يأتى ما السبب هل اغضبته فى شىء
- اكيد ايتها الغبيه ماذا تنتظرين لن يأتى
- لماذا
-الا زلتى تتسائلين كان يتوقع منك اكثر من ذلك ايتها الحمقاء كان سعيد ..اجابتك كانت فاتره انت خذلتيه
-اعلم انى قلت كلمات مقتضبه لا تعبر فعلا عما اشعر واعلم انه كان يريد ان اجا دله ان اناقشه لكنى لا اعلم اعتذر لك لم يهبنى الله تلك الموهبه .. كنت شرعت وبدأت فعلا فى مناقشته عندما ادركت ان هذا ما يريد لكنه كان قد ذهب .. ايا ترى غضب منى

- ادركتى ذلك متأخره جدا بعدما مل وذهب

لكنه سيأتى انا متأكده سيأتى ..اعتذر لك انى شعرت بكل كلمه وكل حرف وانت تعلم كيف هو شعورى بك سامحنى اغفر لى اعلم انى احبطك لكن صدقنى دون قصد انه جهل ليس الا الم اقل لك فى احدى المرات تحملنى ..سامحنى ولن يتتكرر مرة اخرى اوعدك ..ستكون تلك
كلماتى اليه عندما يعود واكيد سيسامحنى اعلم هذا واكيد سيأتى

انتظرت وانتظرت وانتظرت وانتظرت وانتظرت وانتظرت وانتظرت وانتظرت و