عارفين انا نفسى اوى اعمل فرقه نطلع على المسرح
نتجنن بجد نغنى كلمات مش موزونه والحان مش مترتبه نقول كل اللى يجى على بلنا مش عارفه
حلمى انى انعكش شعرى واقف امسك الميك اتكلم واغنى واتنطت واصرخ واصرخ واصرخ واتكلم بحريه اقول على احلامى وحاجات خنقانى
واكون لبسه لبس مبهدل مش ليق على بعضه وفى الغالب هايكون مش لبس بناتى وكمان مش حطه ميك اب
عارفين نفسى اوى اروح ديسكو بس اصحابى مش بيرضوا بيقولولى بطلى هبل
نفسى اوى اكون مصممة ديكور
ونفسى كمان اكون مخرجه
نفسى اعمل روايه او مجموعه قصصيه عارفين مش عيزاها تكسر الدنيا ولا تكون احسن رواية اتكتبت فى الكون ولا حتى اعلى او اقل من اى حاجه حد عملها
..انا بس عيزاها تكون حالتها ما ينفعش تتقارن بحاجه غيرها
عارفين نفسى اوى اتعلم ارقص تانجو وصلصا .. بجد اووووووووووى
نفسى اعمل برنامج للاطفال اقولهم فيه ماتشربوش اللبن لو مش بتحبوه ما تسمعوش الكلام لو مش مقتنعين
نفسى اعمل برنامج راديو يكسر الدنيا مش مهم اقول كلام يعجب الناس بس المهم يرضينى انا
نفسى اكتب فيلم حلو
كان
نفسى اعمل حجات كتييييير اوى ..ممكن اكون قلت عليها.. و حاجات اكتر مقلتهاش
بس معملتهاش
لانى خفت وبخاف
نتجنن بجد نغنى كلمات مش موزونه والحان مش مترتبه نقول كل اللى يجى على بلنا مش عارفه
حلمى انى انعكش شعرى واقف امسك الميك اتكلم واغنى واتنطت واصرخ واصرخ واصرخ واتكلم بحريه اقول على احلامى وحاجات خنقانى
واكون لبسه لبس مبهدل مش ليق على بعضه وفى الغالب هايكون مش لبس بناتى وكمان مش حطه ميك اب
عارفين نفسى اوى اروح ديسكو بس اصحابى مش بيرضوا بيقولولى بطلى هبل
نفسى اوى اكون مصممة ديكور
ونفسى كمان اكون مخرجه
نفسى اعمل روايه او مجموعه قصصيه عارفين مش عيزاها تكسر الدنيا ولا تكون احسن رواية اتكتبت فى الكون ولا حتى اعلى او اقل من اى حاجه حد عملها
..انا بس عيزاها تكون حالتها ما ينفعش تتقارن بحاجه غيرها
عارفين نفسى اوى اتعلم ارقص تانجو وصلصا .. بجد اووووووووووى
نفسى اعمل برنامج للاطفال اقولهم فيه ماتشربوش اللبن لو مش بتحبوه ما تسمعوش الكلام لو مش مقتنعين
نفسى اعمل برنامج راديو يكسر الدنيا مش مهم اقول كلام يعجب الناس بس المهم يرضينى انا
نفسى اكتب فيلم حلو
كان
نفسى اعمل حجات كتييييير اوى ..ممكن اكون قلت عليها.. و حاجات اكتر مقلتهاش
بس معملتهاش
لانى خفت وبخاف
13 comments:
انا كمان نفسى اعمل برنامج تليفزيونى او فى الراديو
ونفسى اعمل حاجات كتير موووووز
انا ضد الجملة التلمة
صاحب بالين كداب
والحركات القرعة دى
وبوست جميل ولظيظ اوى
مشاركة معكي يا دعاء في أحلامك ونفسي...
نفسي أعيش في بلد فيها حرية
مفيهاش فساد ولا استبداد ولا اعتقال ولا ظلم ولا قهر
نفسي أشوف بلدي أحسن بلد وشعبي أحسن شعب، وتعليمنا أحسن تعليم، وكل حاجة في بلدنا أحسن حاجه
نفسي في شباب مصري رجاله، يقولوا للظلم لأا، ويقولوا للمستبد لأا
آآآآه يا نفسي
كلنا نفسنا في حاجات كتيير
بس اللي يعمل!!ا
ربنا يحققلك أمانيكي
هههههههههه
ونعم الحاجات العبيطة
للأسف في حاجات كتيره اوي ممكن تكون عبيطة في نظر الناس التانيين بس عندنا هي قمة العقل
او على الاقل قمة التعبير عن الرأي
ودي اجمل حاجه في التدوين
انك تكتبي :D من غير ما تخافي
المشكلة التانية في الحاجات اللي نفسك تعمليها وعارفه انك مش هتعرفي تعمليها اما لانك مش قادره او لأن اللي حواليكي مش هيسمحولك
بجد حاجات عبيطة
بس روعه
عبيطة اوي البوست دي
بس جميلة :)
هو انت لسة زي مانت؟
خلاص ابقي قوللي للاطفال يشربوا خمرة قبل مايناموا..
ونسمي البرنامج "الطفل والكاس"
او "الطفل المزاجنجي"
قرأت البوست ده أكتر من مرة ..في أوقات مختلفة ووصلت لمرحلة أني -تقريبا- قررت مقرألكيش تاني وأعتقد انتي عارفة ليه....لكن في آخر مرة أخدت بالي من عنوانه....حرام عليكي يا دعاء دي مش حجات عبيطة
أحمد
حمد لله ع السلاااامة ياااا دعااء ، إيه الغيبة ( والنميمة) الطويلة دي كلللها يا بنتي ، أنا تقريبًا ( تقريبًا ) كنت زهقت من دخول مدونتك ، لأنـك بقالك فترة سايباها زي الواد اللي مش مرضي عنه !!!
*********
بوست لظيظ قوووي كعادة كتاباتك ، وأنا بطالب كتاب الدستور ( وعلى رأسهم إنتي ـ مش عارف ليه) بإن الحاجات الحلوة اللي بيدستروها ( يعني بتتنشر ف الدستور ) يدونوها ( يعني يرزعوها ف المدونة)
وخللي الشعار دستر ودون .. يا عم الحاج ...
ــــــــــــــــ
أنـا كماااان نفسي ....
تحيااااااااتي يا مركز :)
ههههههههه
مش عارف ضحكت لية على آخر تدوينة دى
بس يمكن علشان فيها حجات نفسى أعملها
هههههههه
أحسن حاجة الجنون
وعادى بقة
أودى
قشطة يا دودو سيبك من الحاجات العبيطة دى انا عارفها كويس
انما اية الاغنية اللى انتى حطاها دى!!!!!!!!!!!!!!!!!!!!
تعرفى جامدة
بنت حلال مصفيه
الموضوع ده كان فى دماغى قريب
و كنت هافردله بوست
مش موضوع النفس
موضوع الخوف
لأنه بيمنعنا من حاجات كتير كان عندنا القدره اننا نعملها
لكن احنا ماعندناش القدر الكافى بالإيمان بنفسنا و بقدراتنا
عندنا نظره دونيه للذات
ممكن ده يكون طبع
ممكن يكون من المجتمع
ممكن يكون من الدوله العسكريه اللى احنا عايشين فيها
بس فى الآخر هايبقى عندنا كرشة نفس
أنا نفسى انسدت
شوفي يادودو
أجمل مافي اغتيال البراءة .. أنها من محض تفكيرك
:)
ذو النون المصري
اللي نفسك فيه تقريبا هو حلم كل انسان يحيا في عصرنا الحديث
كل انسان يتمني ان يخرج عن قيود العرف و القوانين من ان لاخر لكن للاسف لا يقدر علي شيء من ذلك
انا تمنيت الكثير من هذه الاشياء
تمنيت اشياء لا تخطر لي انا نفسي علي بال ابدا
كل هذا ناشيء عن حياة الضغط التي لا تفارق الانسان من لحظة ميلاده حتي مماته
ماساة كل رجل انه يتمني ان يكون طفلا و حينما اكن طفلا لم يكن يدري انه كان طفلا
مصيبه فعلا ان ده يكون حال الانسان
تعرفي انا شفت فيلم اجنبي فيه تعبير عن هذه الحال
الفيلم لشون كونري تقريبا
و هو بعنوان الغريزه
غريزة حب الحريه و الاستقلال و الخروج عن السيطره الاجتماعيه و القانونيه
لوكان عندي قدره جيده علي الحكي ووقت كافي كنت حكيت لك قصته لكن ممكن تبحثي عنه
لانه فعلا ثقافي جدا
>>>>>>>>>>>>>>>>>>
تحياتي
علشان تحققي أحلامك
لازم تصحي الأول
Post a Comment