Tuesday, April 24, 2007

????????????????????????????????


اين هو ..كان يوجد هنا ..اين هو .. لا اجده
..اممممممم
عما ابحث ؟!
انا لا اعلم
لكنى اشعر.. اشعر.. ان شىء ما مفقود
شىء كان موجود.. استشعر هذا الفراغ
احاول البحث ثانية

- لم تجدى شيئا اليس كذلك؟ هذا يعنى ان لاشىء مفقود
واذا كان هناك فعلا شىء مفقود ولم تستطيعى ان تتوصلى اليه الان هذا يعنى انك لم تشعرى انه فى يوم من الايام كان موجود

لا..لا .. انت لا تفهمينى
اشعر ان شىء ما مفقوووود

40 comments:

أحمد حربية said...

المشكلة ان معظم الحجات المهمة في حياتنا، بنحس بوجودها متأخر قوي لدرجة اننا أحيانا لما بنضيعها مننا بنبقي مش عارفيين نوصفها ازاي ولا نقول ايه غير "انا حاسس ان فيه حاجة ضايعة مني...ومتأكد إنها حاجة مهمة".

رسمتي بشكل رائع حالة معقدة جدا...كالعادة يعني:)

أحمد

AbdElRaHmaN Ayyash said...

:)
كان موجود
مكانش موجود
كان موجود في قلبك
ومكانش موجود في الحقيقة
لكن هنرجع ونقول
أذوب حنينا
لكن ...
لشخص لا أعرفه

FadFadA said...

أنظر إلى السماء أبحث عن نجمة , عن ضوء , عن أمل , أمد يدي إليه فأجده سراب
أثناء النوم أبحث عن حلم , و لكن من قال أن الأحلام لا تضل الطريق إلى المنام
أرنو إلى صفحة الماء فأراني أنظر إليّ أتعجب مني لإنني لست أنا بل كأنني أنا
أحيانا أتوه داخلي , أبحث عني فلا أجدني
بالفعل افتقدتني

Ebtsam said...

واحشانى كتييييييييييييير يا دودو
" عندما تريد شيئا بشده اطلق سراحه فاذا عاد فهو ملكك واذا لم يعد فهو لم يكن لك ابدا "
وانصحك لما تحتاجى حاجة بلاش تدورى عليها وسيبيها تيجى لوحدها دورى عليها

حلم الحرية said...

ويظل الحنين يملانا لشئ لا نعرفه
لشئ نفقده
تري هل نجده
؟؟؟؟؟؟

انا مش عارفة في ايه اليومين دول بس شكله دور اكتئاب وماشي في البلد

تحياتي ليكي ودعواتي انك تلاقي المفقوووود

Marwa Friday said...

جميل يا دعاء جدا
مفقود يا ولدي مفقود مفقود ...؟
نزار قباني

elkamhawi said...

انا ايضا اشعر انه مفقود

خواطر شاب غاضب said...

هاي
صباح الخير
مدونتك جميلة وواضح انك اسنانه حسايه
يارب نكون اصدقاء و تزوري مدونتي

hesterua said...

برضه انا حاسس انها وحشتنى
وانه جاية
وانى هعرفها
رغم انى لسه مشفتهاش

خواطر شاب غاضب said...

دعاء ده ايميالي fa_fre@hotmail.com
ياريت تسجاليني

BELBESY said...

" عندما تريد شيئا بشده اطلق سراحه فاذا عاد فهو ملكك واذا لم يعد فهو لم يكن لك

بصراحه انا كنت داخل اقول الجمله دى
بس فى حد فوق سبقنى وقالها

بس بجد انا طلعت من الموضوع دا بعظه كبيره
شكرا بجد
وربنه يهدينى ويهدى كل الشباب وينور بصيرتهم ونفوق قبل فوات الاوان

Tamer Nabil Moussa said...

يوجد داخل كل انسان جزىء مفقود

يبحت عنة طول عمرة

تحياتى

خواطر شاب غاضب said...

دعاء بتبهريني دايما
بكلامك الجميل
جدا
علي فكره انا عكلت بوست جديد
قالب عليا الدنيا و كل الناس بتستمكني عايز اعرف رايك

لو كنت أعلم said...

يمكن دي تكون مشكلتنا كلنا
لكن....
الخروج من هذه الحالة هو المشكلة الحقيقية
إزاي الواحد يكون مشتاق لحاجة ونفسه فيها قوي بس مش عارف هي إيه

أنا بصراحة هتمخول من كتر التفكير

مدونتك رائعة ودي أول مرة أزورك فيها
بس أنا متابعاك في الدستور

ياريت يكون بينا تواصل
يا جميل وتزوري مدونتي
باااااي

Dr.khaled said...

وفقك الله يا استاذة

ورد اليك ضالتك

Nasr Misr said...

هو فعلا كده، بس برده الواحد بيجدها فجأة وبدون انذار مسبق، زي أرشميدس كان بيستحمه لا بيه ولا عليه، وفجأه زأطط ونط يجري "وجدتها، وجدتها".
عقبلنا جميعا:)

3rby said...

مش معني انك مش لاقياه انه مش موجود
ممكن يكون موجود وانتي مش بتدوري كويس
او انتي اصلا اللي مش موجودة
:)
او انتوا الاتنين موجودين بس مش عارفاه
بتدوري علي المجهول

مابتعديش ليه
هي ديه القرابة
عاوز اسمع رايك في البوست اللي اسمه الشك عندي

Alaa said...

طبعا المقال و جميل و كل انسان ممكن يتخبله شيئ يبحث عنه هو نفسه
عن نفسي أجد الاجابه
ستجدينه عندما ستسجدين في الصلاة
انه القرب من الله
انه فعلا مفقود
نحتاج اليه
نتوق اليه
نتمنى لو نجده و نصل اليه
ابحثي عنه
اذا وجدتي فقد وجدتي السعادة الأبدية
و لن يضيع منك أي شيئ
و دمتم

خواطر شاب غاضب said...

هاي
انتي فين مش معبراني ليه من فترة

سندباد said...

عارفة الاصعب احساس بانك المفقودة
احييكي

FadFadA said...

البوست بتاريخ 24 ابريل و انهارده 13 مايو , فترة طويلة جدا
هل هو انشغال أم ان الوحي منقطع ؟
في انتظار مزيد من الابداعات
محمد

تامر أبوعرب said...

هاي دودو برافو عليكي كلام جميل وكلام معقول ... بس لقيتي اللي وقع منك وللا لسه؟

أحمد حربية said...

مش عارف ليه بدأت أحس إن اللي ضايع منك هوه الباسوورد بتاع المدونة وعلشان كده مش بتكتبي من زماااااان، بجد مفتقدك جدا..عوووووووووووودييييي يا دعاااااااااااااااااااااء
أحمد

Marwa Friday said...

عندك حق يا احمد

Marwa Friday said...
This comment has been removed by the author.
دعاء عادل said...

يا جماعه شكرا جدا لكل حد بيسبلى تعليق انا بجد بتابع على طول ببقى مبسوطه اوى كل ما ادخل والاقى تعليق جديد بس انا عندى مشكله انى مش بعرف ارد على التعليقات
شكرا ليكم جدا بجد وبعتذر ليكم كمان وبالنسبه ليه انا مانزلتش بوست جديد لان الوقت اللى كنت عايزه اكتب حاجه كان الكمبيوتر بايظ ولما اتصلح لقيت مافيش كتابه بس

FadFadA said...

بما ان حضرتك ما نزلتيش تدوينة جديدة , فاسمحيلي أعلق على موضوعك في الدستور
فعلا أوقات كتير بنحتاج انحنا نفصل شوية عن العالم , نراجع حياتنا , نشوف حققنا إيه من أهدافنا , و فعلا بقى صعب جدا انحنا نفصل الفصلة ديه بسبب الحاجات اللي انت قلتيها , خاصة الناس اللي حولينا , ففعلا لو فيه أوبشن يخللي الناس تنسانا يبقى رائع
بس لازم يكون فيه أوبشن تاني يخلليهم يفتكرونا تاني لإننا مش ممكن نستغنى عن اللي حوالينا
مين أكتر واحدة بتحبيها بتفضفضيلها و تفضفضلك ؟ فكري كويس
تخيلي بقى انها نسيتك و نسيت عنك كل حاجة على طول , لما تحبي تتكلمي تكلمي مين !؟
و بعدين النبي قال ما معناه ان الذي يخالط الناس و يصبر على آذاهم أحب إلى الله من الذي لا يخالط الناس و لا يصبر على آذاهم
يعني باختصار احنا محتاجين نكون مع نفسنا مع عدم الاستغناء عن الناس
على فكرة ,أسلوبك بيعجبني جدا جدا , و والله ديه مش مجاملة

-_- said...

دور عليه تلقاه

دور عليه دور

ياللى عينيك شايفاه

و لسة بتور

Anonymous said...

أحيانا نشعر أن شيئاً ما مفقود
رغم انه بالفعل موجود
قد لا نفهمه
ولا نعرف ماهيته
ولاأهميته
ولكنه حتماً
موجود

nohamy said...

هيفضل مفقود على طول

AbdElRaHmaN Ayyash said...

ايه الغيبة دي كلها يا مس :)
هو مفقود بس مينفعش يمنعك انك تكملي

ذو النون المصري said...

اعتقد ان احساس الفقد و ان هناك شيء ضاع مني و فقدته هو شعور اي انسان لان الانسان لا يلبث ان يشعر نفسه ناقصا و بصوره مستمره و انه بحاجه الي اكمال نقصه و هذا الشعور ليس ضارا الا اذا جاوز الحد الامن فيصبح عقدة نقص لكنه في حدود الطبيعي يعتبر شعور بناء لانه يدعو الانسان الي اكمال نفسه و تنميتها

dead man said...

عما ابحث ؟!
انا لا اعلم
لكنى اشعر.. اشعر.. ان شىء ما مفقود

دور علي الناس في قلوب الناس هتلاقي الخير

مـحـمـد مـفـيـد said...

ما اقسي الشعور بالفقدان
تدوينه حلوه

-_- said...

--------

مدونتى فيها موضوع ريحته وحشة
اللى بيقرف ميدخلش عندي

:)))))))

هيما said...

احيانا كثيرة اشعر ان هناك شي مفقود مني ولكن عندم اتذكر لا اجد شي مفقودولكن اظل ابحث عنه موضوع جميل

دبابيس said...

عندما يغيب الحب عن الأنسان يتساوى الفشل مع النجاح اول ما شفت البوست ده افتكرت الجملة دي وانا عارف ليه افتكرتها ومش هقولك ليه . انا هحاول اكون متفائل ونشوف الجزء الأيجابي ان سعادتك بعد رحلة معاناة في البوستات السابقة والبحت عن الذات وانقسامات الشخصية و...و الخ وصلتي اخيرا انك قابلتي نفسك وبدأتي تكتشفي انك فيه حاجات ناقصاكي وان الكون بيتآمر ضدك وعندها تسمحي اكمل مكان النقط . ... احساس بالعجز والقهر وانك مش قادر تعمل اي حاجة مجرد الأنتظار في اللا شيئ تنتظر على القهوة وتدخن وتلعب دومينو او تعد في البيت وتبص للسقف او تغرق مع برامج التلفزيون او واحد يقولك قرب من ربنا وتدعي على الحكومة وفيه اللى يغرق في العمل وفيه اللى يغرق في الحب وده اقوى مسكن لكن في النهاية مش هتقدر تتخلص من احساس القهر وانك مقهور وعاجز لأن الفعل والتغيير لما يتحرم منهم الأنسان بيموت وهوه عايش. شوفتي ازاي البوست بتاعك جامد جدا وخلاني اتكلم بجد وانا اساسا مش بعرف اقول كلمتين جد على بعض من غير ضحك اساسا انا مبسوط انك رجعتي تكتبي وانا مبسوط اني رجعت اعلق على اللى انتي بتكتبيه ومعلش انا قافل البلوج بتاعي لأنه حتة مني .. ومني زعلانه مني بقالها فترة ومش عارف اصالحها

altwati said...

دائما ما تسقط منا أشياء على مر الحياة حتى أننا نفقد ملامحنا يوما ما لنصبح غير ما كنا
نعم كان شئ هناك لكنه سقط
تحياتي

محمد السيد..مش حاسكت said...

وليه مفقود؟؟

ساعات بيكون موجود بس إحنا اللي مش شايفينه ...

وساعات مبيكنش في حاجة ضايعة اساسا ... لكن إحنا اللي بنحاول نوجد حاجة .. ونضيعها ...


تحياتي ... ودعواتي ...

مواطن زهقان said...

جميلةجدا مدونتك ويارب نتابع مع بعض
مدونات كلانا البعض