Tuesday, July 29, 2008


بقالى كتير ما كتبتش بس حاسه دلوقتى انى عايزه اكتب جوايا حاجات كتير اوى بس عارفه برضه عمرى ما هعرف اوصلها _المختارين فقط سيستشعروها_
اشعر ان الكلمات اصبحت غريبه
من زمااااااااااااااااااان جدا وانا عندى ازمه مع الزمن مش قادره افهمه ولا افسرة ولا استوعبه
من كام يوم كان عيد ميلادى 23 يوليو اكيد يعنى كل البشر عرفاه قبلها بكام يوم برضه فضلت مستنياه وحاسه ان المفروض بقى تحصل حاجه جديده جه اليوم بس ما حصلش اى شىء جديد ولا الشمس اتحركت من مكانها ولا البشر اللى على ضهر كوكب الارض اختفوا _كما احلم كل يوم_ استسلمت للواقع كل اللى حصل ان سنى بس اللى زاد سنه يااااااااااااااااااااااااااااااه بقيت 25 سنه انا كبرت فعلا
اليوم ده جتلى 6تليفونات ورسايل فرحتنى جدااااااااا وخدتنى من التفكير فى معضلة الزمن دى و هما دول الناس فعلا اللى كنت محتاجه اسمع صوتهم وقتها حاسيت انى طايرة

طيرى يا طيارة طيرى يا ورق وخيطان نفسى ارجع بنت صغيرة على سطح الجيران وينسانى الزمان على سطح الجيران
مش عارفه ليه الزمن مابينسانيش مع الوقت بواجه حجات بس بجد مش قادرة اتحملها كتير اوى عليا مش قصدى حاجات وحشة بس لاء كمان حاجات كويسه بس انا من قدها كل اللى عيزاه كنت افضل زى ما انا على سطح الجيران ولا هموم ولا مسئوليات ولا تفكير ولا تعامل مجبوره عليه مع بشر .. بجد الزمن ده مش قادرة افهمه كنت عيزاه يسبنى فى حالى لا عايزه الحلو منه ولا الوحش يبعد وبس ..
بجد انا بخاف من الزمن
فات وقت كتير اوى من اخر بوست كتبته بس بكتب دلوقتى حاسه ان ما فتش حاجه حصلت وحاسه انى ما اتغيرتش بالرغم من التغيرات الكتييييييييييييييييييييير ..لاء بجد دعاء ما اتغيرتش فى حاجات كتير اه اللى اتغيرت لكن انا.. لاء
المشكله بقى ان حصلت فى الفترة اللى فاتت حاحات كتير بس ايش عرفنى انها حصلت ايه اللى يأكدلى ان فيه وقت مر.. هو دلوقتى مش اكتر من مجموعة صور وخيالات فى دماغى مش اكتر مش عارفه هى حصلت حقيقى ولا لاء اصلا مش عارفه ان انا بكتب دلوقتى بجد ولا مجرد حلم وخيال والواقع اللى انا فيه مختلف خالص مش عارفه بجد مش عارفه
هو ده الزمن ..معضله
مش مهم المهم انى كتبت وخلاص
بجد كل حاجه وحشتنى



5 comments:

واحد مش فاهم حاجة said...

ياااااااااااااااة

بجد ياة كبيرة اوى

انا دايما كنت بتابعك

والغيبة كانت طويلة اوى

كل سنة وانتى طيبة

كلامك فى البوست

ادانى احساس
انك مش بتكتبى من مركز الكون كالعادة

اتمنى رجوعك لقواعدك سالمة

تحياتى

اميرة هشام said...

يااااااه يادودو

منورة مدونتك

كتير اوي كنت بدخل عندك واقرالك اللي انتي بتكتبيه وفي كل مرة كاني بقرا الحاجة من جديد

سامحيني يادودو كنت بعيط اوي لما اقرالك

كنت بحس انك وحشاني اوي بس مكنتش بعرف ابعتلك اقولك ده

انا فرحانة اوي اني قرتلك بوست جديد

وتقريبا كدة فهمت انتي عايزة تقولي ايه

بس يارب مكونش فهمت غلط

بحبك اوي اوي يادودو

:)

Anonymous said...

في خلال الثلاثين عاما الماضية تعرضت مصر الى حملة منظمة لنشر ثقافة الهزيمة - The Culture of Defeat - بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
هذه دراسة لمشاكل مصرالرئيسية قد أعددتها وتتناول كل مشاكلنا العامة والمستقاة من الواقع وطبقا للمعلومات المتاحة فى الداخل والخارج وسأنشرها تباعا وهى كالتالى:

1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 - العدالة الاجتماعية .. وأطفال الشوارع والذين يملكون كل شىء .
5 - ضرورة الاتحاد مع السودان لتوفير الغذاء وحماية الأمن القومى المصرى.
6 - رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.
ارجو من كل من يقراء هذا ان يزور ( مقالات ثقافة الهزيمة) فى هذا الرابط:

http://www.ouregypt.us/culture/main.html

shabfa2re said...

beeeeep beeeeeeeep
happy eiiiiiiiiiid

إبـراهيم ... معـايــا said...

كل سنة وإنتي طيبة وجميـــلة يا دودو ،،، ويارب عقبال ما تحققي السنـة دي كوووول الي إنتي نفســك فيـه


بــس الكلام ده متأخر قوووي ، معـلــش


ابقي طمنينيا عليكي