Wednesday, December 13, 2006

عشتها لكى اروى

اجالس احفادى احكى لهم عن ايام كانت ومرت كأنها حلم
لا اعلم اين ذهبت ولا اين كنت ،هل فعلا عشتها
ام كانت مجرد حلم مر سريعا
لكنى كنت اعيشها كأنها حقيقه اتذكر هذا اليوم الذى تالمت فيه كثيرا عندما صدمت فى الواقع عندما اكتشفت ان الحياه ليست كما تخيلتها عندما اكتشفت
انه يمكن ان يكون داخل انسان شىء ويظهر عكسه
شعرت وقتها بالضياع
كان اسوا يوم فى حياتى لكن هذا لم يكن صحيحا لانى اكتشفت ان هناك ايام اسوا
يا اعزائى عندما تصطدمون بالحياه للمرة الاولى لا تتعجوا ولا تحزنوا انها الحقيقة..
حقيقة الحياه ، اعلم ان هذا قد يجرحكم كثيرا
لكن اعلموا جيدا ان احدا لم يخدعكم صدمتم فقط لان توقعاتكم كانت اكبر ومخالفه للواقع انتم من شطحتم بخيالكم لتتخيلو المدينه الفاضله
لكن الحياه ليست المدينه الفاضله انها الجحيم ..نعم اعتقد اننا حيينا من قبل وفعلنا ما نستحق عليه العقاب لذلك جئنا الى هنا
لنقضى فترة عقوبتنا ونكفر عن سيئاتنا
اعلم انى قد اكون قاسيه بعض الشىء لكنى لا اريد ان ازين لكم الجحيم واخدعكم واقول لكم انه الجنه
فكرت ان اترككم لتكتشفوا هذا بأنفسكم لكن وقتها ستكون الصدمه اكبر ،اعتقد انه اهون ان تعلموا الحقيقه منذ البدايه
فعلا انها الجحيم ستصادفو كل شىء سىء ستجدوا من يجرح مشاعركم ستثقون بأناس ويخونوكم واااااااااه ما اقصى الخيانه ستجدون المنافقين.. امامكم اخلص اصدقاء لكم ومن خلفكم الد الاعداد يكرهونكم بلا سبب
وقتها ستقعون فى الحيره ..لقد احببتهم فلما يكرهونى حتى اذا كان يكرهوننى لما يظهرون عكس ذلك
لاتتعجب يا صغيرى انهم بعض ابالسة الجحيم ..لكن لاتفسد عليهم لعبتهم دعهم يتوهمون .. انه دورهم فى الحياه المهم انك تعلم ذلك ..ولا اخشى عليكم من ذلك فقد ورثتم منى هذه القدره على تمييز الكميا ء والموجات الصادره عن كل شخص والشعور بالخير والشر داخلهم
فثقوا فى شعوركم

مر الكثير والكثير لكنى اتذكركل شىء الان كحلم بعيد واضحك من نفسى
هل كنت اخذها فعلا على محمل الجد يالى سذاجتى.. كنت انفعل واغضب ..وكنت اموت خوفا كل يوم من المستقبل ..اذكريوم عيد ميلادى 22 وكنت اشعر وقتها برعب ياه 22 بحالهم يعنى عيد ميلادى الجاى 23 ياه واللى بعديه 24 كنت اشعر
انى فعلت كل شىء وانى وصلت لاقصى درجات نضجى لم اكن اعلم انه سيأتى الوقت الذى ارى فيه ان هذا لم يكن الا عبث اطفال يااااااااااه كم كنت طفله
الان اصبح كل هذا المستقبل خلفى ورايته.. مما كنت اخشى ؟ لقد مررت بأسوء مخاوفى .. وماذا حدث .. كل شىء قد مر الان
وها هنا اجلس الان احاكيكم ..امرأه عجوز لاتمتلك الا تلك الذكريات ولا تستطيع الا الحكى
..فى بدايه رحلتى
كنت اسئل نفسى فى كل لحظه ما اتى بى الى هنا ..ان الله لا يخلق شيئا جزافا لايمكن ان يكون قدومى الى هنا من قبيل الصدفه وبعد فتره توقفت عن السؤال اصبحت الحياه بالنسبه لى امر واقع وأحد المسلمات لكنى بعدما تقدمت فى العمر
تسألت كثيرا عن حكمة هذه الايام ولم عشتها
اعتقد انى وجدت الاجابه الان عشتها من اجل هذا اليوم
عشتها من اجل ان اروى لكم
عشتها لكى اروى

17 comments:

LAMIA MAHMOUD said...

جديدة الصراحة


بس خدي بالك انك قبل ما تكوني عندك 22 وتبقي مخضوضة
كان عندك 15 وكنتي برده مخضوضة وكان عندك 10 وكنتي مخضوضة


ووانتي قاعدة بتكلمي احفادك يديكي طولة العمر
حتبقي برده مخضوضة هي الدنيا كده خضة

Anonymous said...

خضة الموت ما أرى ام أرى حضة الحياة؟
يااااه يا دعاء، ليه متشائمة كده يا بنتي الحياة حلوة، ولازم تكون أحلى في البلوج بتاعك إذا كان صحيح مركز الكون

3rby said...

زي ما ابويا قالك

انتي متشائمة جدا
بابا قري ال3 بوستات
اسمعي اغنية
unwritten
natasha bedingfield

دعاء عادل said...

لميا
شكرا يا لميا واعتقد ان تلك هى الحياه


عمو عزت

انهما الاثنين معا ايها العظيم
بص يا عمو انا فرحانه جدا اولا انك قريت البوستات ثانيا ان انا اول حد انول شرف تعليقك على البلوج بتاعه
انه سبق اعتز به
واوعدك ان يكون مركز الكون احلى

احمد

ان ان ان اه _انا بغيظك دلوقتى تخيلنى مطلعالك لسانى_ عمو علّق عندى الاول قبل ما يعلق عندك او عند محمد او علاء او اى شخصا كان
يا ابنى مش اى حد عمو يضيع وقته ويقعد يقرأ له .. الناس مقمات برضه
وثم ابعتلى الاغنيه اللى انت بتقولى عليها دى

3rby said...

بابا علق قبل كده عند جرجس
ان ان ان اههه

Anonymous said...

عندما قرأت "اجالس احفادى" اعتقدت و الله انك جده زز انا عارف ده هبل منى بس ده اللى حصل
:)


geneye.blogspot.com

دعاء عادل said...

احمد
مس مهم ان ان ان اويها المهم انه علق عندى قبلك ولا لاء
تن تررررا تم تم

جينى

لانى وقتها بجد كنت عايشه فى المود ده
وده كويس ادرب شويه اقعد احكى لاحفادى ازاى لكنى اعتقد لو قلتلهم كده ها يكرهونى وعمرهم ما ها يرضوى يسمعولى تانى

3rby said...

اكبري شوية
ناقص تقوليلي ا ا ا ا
عمو بيحبني وانت لاائة

Anonymous said...

الاحفاد حيتعقدو من صغرهم


geneye.blogspot.com

Anonymous said...

ردي عليك سيكون في بوست كامل عندي...
تابعونا..
مع العلم أنها ليست فقرة اعلانية.
نيهاهاهاهاهاها

Anonymous said...

مش عارف شكلك هايبقى ازاى وانتى جده ؟لكن متأكد انك هاتبقى مشغولة بتغيير طقم الاسنان وتذكر مواعيد الدوا .بس مش عارف ليه لو قررتى تحكى هاتلاقى حاجات اجمل من الخيانة والنفاق تستاهل ان احفادك يسمعوها .عيشى حياتك ..فوزى

Anonymous said...

هاها ده انا كدة طلعت اقربلك من كل حتة
قشطة فرصه نتعرف على بعض اكتر

وبعدين هتبقى جدة قشطة عســل

بس احب اؤكد لكى انك بالطريقة دى مفيش ولا حفيد هيقعد يسمعك

دعاء عادل said...

احمد
عمو بيحبنى وانت لاء ايييييه اى خدمه

جينى
نصيبهم كده بقى

احمد الدرينى
نورت البلوج يا مان لكن على فكره انا برضه هاخد منك ثمن الفقره الاعلانيه دى انت عارف لازم استرزق برضه

فوزى

.. يا نهااااااار مش فايت انا اسنانى ها تقع لاء ..لاء مستحيل اتخيل نفسى كده
لكنك نسيت معاد عمليه شد الوش ونفخ الشفايف وزرع الشعر
وقتها فعلا ها احكيلهم عن كيف تصبح اجمل فى خمس خطوات

علاء
ايه يا عم انتى تايه ولا ايه الرد للاولانى ده المفروض يكون فى مدونه احمد ولا انت فكرنا قعدين مع بعض شفت يا احمد الاشاعات بدأت تكتر حولينا
لكن بالنسبه للجزء الاخير فعلا ماحدش ها يقعد

Anonymous said...

حتى الرواية لم أعد أراها هدفا فتوقفت عنها

Anonymous said...

احساسك حلو اوى و قدرة التخيل عندك عالية برافو حلوة اوى

Anonymous said...

ما تبقى الا الذكريات الجميلة و حواديت جميلة للاحفاد

ياه دنيا بتلف علينا بسرعة

تحياتى بيجاسوس المصرى

دعاء عادل said...

هوارى
اعتقد اننا يجب ان نجد اى سبب كى نحياها من اجله فبحث عن هذا السبب

bagabigo
ربنا يخليكى واشكرك جدا على تعليقك

بيجاسوس المصرى
اكيد اسرع حاجه هى الايام اصلا مش عارفين هل هانوصل لحد لما يبقى عندنا احفاد نحكلهم ولا لاء
وتحياتك وصلت يا مان