Monday, January 08, 2007

انا كما لم يرانى احد من قبل


انظر الى ..انظر الى جيدا اترانى
لا انك لا ترانى انك فقط ترى تلك الابتسامه الطفولية وتلك النظره البريئه
وتلك الملامك وتلك الشخصيه التى توحى لك انى ملاك من السما كما قال احمد درينى "موفدة من السماء ملاك فى صورة بشر "لكنى ليس هذا الملاك مع الاسف يا درينى
انا مركز الشر فى الكون
تخدعك بكل هذا بينما داخلها يعتمل الشر تقف لك بالمرصاد تجمع الخطىء تلوا الاخر او ما قد تتصوره هى انها اهانه دون ان توضح لك حتى ان هناك شىء ان فعلته ضايقها وتتصور انت ايها الضحيه انى متسامحه وقلبى ابيض ومابشلش حاجه
بينما هى تترصد لك وتجمع نقاط ضعفك وتدرس ما يمكن ان يؤلمك بشده -حاجه منتهى القرف -
تأخذ وقتها الى ان تتمكن من فريستها
فتعطيها اول ضربه ثم الثانيه ثم تتوانى بالضربات القاضيه عليها
فتسقط ضحيتها صريعه او فى احسن الاحوال فى اعياء تام
تلك هى دعاء التى لا يعرفها احد او عرفها القليل جدا ممن عانوا تلك الافتراسه
فا احترسوا جميعا
انى اتحدث بصدق الان فا اغتنموا الفرصه صدقونى
ولا تحاول ان تأتى الى لتقنعنى انى مش كده وانى عكس كل ما كتبته هنا _هذا اذا كنت لا تزال احد المخدوعين ولم تلدغ بعد_لانى وقتها سأثتثمر الفرصه وستظهر دعاء البريئه الطيبه وساعتها ستكون انت الضحيه الجديده
فا احترسوا جميعا
قال لى عبد الله احمد فى احد المرات قبلما اكتشف ان ذاتى تلك وكنت اظن مثل الجميع انى ملاك قال لى انت من سيظهر فى اخر الفيلم وتكونين انت القاتله التى تقضى على الجميع دون ان يشك احد فيها طوال الفيلم ما اصدق توقعاتك يا عبد الله
فا احترسوا منى جميعا
الى اصدقائى جميعا من فهم حقيقتى هذه ومن لم يفهم بعد
اعتذر منكم جميعا واقول لكم انكم افضل شىء حدث لى فى حياتى
انى عشقتكم حقا
وانى لا استحق مجرد معرفه اشخاص مثلكم اخذت الكثير منكم وخذلتكم كثيرا خذلتكم كثيرا كثيرا اشكركم ملىء السماوات والارض
لكنى
سأتركم اليوم قبل ان يقع احد اخر ضحية لى

لكن ارجوكم ان تسمحوا لى بالعوده فورما اشعر انى استحق ان اتعامل مه بشر
فورما اشعر انى احترم الصداقه واتأكد انى تعلمت التعامل كأنسان وليس كا عقرب
وفورما اشعر انى استحق التعامل مع من هم فى مثل صفائكم
اعتذر منكم جميعا
واعلم انى لا استحق العفران
او ان تصفحوا عنى
اعتزر منكم جميعا واعلم انى ان ارتقى يوما لأصل الى ربع مستواى انسانية احدكم
حتى اذا جلست فى محراب اتعبد واستغفر طول الباقى من عمرى
ولكل شخص جرحته اوعده انى سأقتص له
وسيكون القصاص عادلا
عادلا جدا
انا دعاء كما لم يرانى احد من قبل


5 comments:

Anonymous said...

و في ايه؟
مين؟
ليه؟ ازاي؟
انتي مين؟
الللوووووو

في ايه يا دعاء وحدي الله

Anonymous said...

باين عليكي متضايقة أوي...

وأنا مش هأزعلك ومش هأحاول أقنعك بالعكس مع إني مش مقتنع

بس أنا راضي.. أيوة راضي مستغربة ليه؟!!!
طالما ده بيريحك افترسينا
ولو ما فضلناش جنبك ما نستحقش نبقى أصحابك..

بس خلاص

Anonymous said...

فيه ايه يا دودو بس
؟؟؟
انتي مش كده

وبعدين حد ياخد علي كلامي برضه؟؟؟؟؟؟؟؟؟؟
ما انتي عارفاني
او مش عارفاني

يا دعاء انا بتكلم كتير اي نعم بس ما بعرفش اوصل اللي ف دماغي للناس
و متهياألي عشان كده ربنا قالي رووح وانتي رسام مش مذيع او كاتب

يا دعاء بجد متصدقنيش

انتي بنوتة طيبة بدليل ان كل الناس بتحبك
بدون مقدمات


يا رب تكوني فهمتي

Anonymous said...

بصي أنا في الأول هقولك حاجة.. ان التسامح الغفران ده مش انتى اللى تقولي انتى اللى تستاهليه ولا لأ.. الناس هي اللى تقدر اذا كان ممكن تسامحك اذا كنتي غلطتي في حد منهم..

تاني حاجة أنا مش هتكلم عليكي أنا هتكلم علي واحد أنا أعرفه، التدوينة دي بفكرتني بيه، هو دايما بيقول أنه وحش وبيقول للنتاس ابعدوا عني أنا وحش، لكن اكل اللي يعرفوه بيقولوا له انتى كويش جدا.. ده بس انتا بتجلد ذاتك..

في الاخر تفتكري مين اللى ليه الحق يقول عليه هو وحش أو حلو.. نفسه المذبة أصلا ولا الناس اللي تعرفه.. فكري وابقى قوليلي

عمرو غريب said...

كلامك رائع يادعاء ارجو كتابة الكثير من المواضيع عمرو amr 345. blog spot .com