Monday, January 08, 2007

the end


تم ايقاف هذا البلوج النحس
الذى كان اسوء شىء حدث لى فى حياتى
وبسببه اندثرت حياتى
اشكر الجميع
واطلب الغفران

13 comments:

باسم شرف said...

عزيزتي دعاء
انا بتابعد مدونتك وشايف فيها انها كويسة وصريحة

ايه السبب ؟

فكري تاني هتلاقي انك اتسرعتي في القرار

عودي الي تدونتك سالمة .. لو قريتي التعليق ده .. يبقي انتي دخلتي لانك مش هتقدري تبعدني عنها صح ؟

Anonymous said...

أسؤ حدث لــ2007 مش ممكن تكوني أخدتي القرار ده وانت في حالة طبيعية
من فضلك فكري تاني وبلاش تعملي كده

حربية

Anonymous said...

يا دعاء ارجعي بيتك و اعقلي

Anonymous said...

عووووووديييييييييييييي يا هاميس
عودييييييي يا دعاء.. ايه المصيبة دي انا من يومين شوفت مدونة الطعنات كنت ناوي اعلق عليها هيه واللى قبليها بس قلت استنى شوية لما الناس تعلق عشان مدونةالطعنات دي انا استقبلتها بشكل_ مختلف تماما __ ده طبعا لأني منذ صغري متربي على قراءةالأدب_ وكنت محضرلك مفاجأة جامدة جدا وتحليل دقيق لآخر تلت حاجات لكن انتي اللى فاجأتيني . مش هقولك طبعا ان انا كنت متوقع الحركة الجامدة . ولا كنت متوقع شيء من هذا القبيل بس انا هعمل ذي شهرذاد عشان تقري التعليق الجامد اللى انا اعتقد انه هيكون احسن حدث حصلك في ال 3 سنين اللى فاتو لازم ترجعي تاني . وانا مش ممكن اتخلى عن المدونة المشجعة الوحيدة ليا عوديييي يا هاميس اخناتون وخوفو وخفرع ومنقرع ومنهرب ومنقعد في انتظار عودتك للتدوين .. .
على الجانب الآخر كل الحمقى والمغفلين وبتوع مليدوي ومزيكا والأهلي والزمالك وانصاف الأميين بتوع جرنان الأهرام والأخبار ونشرة الساعة التاسعة والمسلسل العربي مستنينك همه دول اللى انتي عاوزة تبطلي كتابة وتروحيلهم . انسي مستحيل مش هتعرفي تطوري الى حمار ابدا !!! كان غيرك اشطر ياما حاولنا قبلك وقعدنا على قهاوي نلعب طاولة ونستهبل ونسمع اغاني عبيطة ونقرا الجرايد الهبلة ونعد نتكلم عن الكورة وحرقنا الكتب - بجد مش ببالغ - وكل المحاولات دي فشلت . انسي

Anonymous said...

http://amirahesham.blogspot.com/
اوكي ياستي
اعتزلي براحتك
بس ابقي اقري اللي انا كاتباه ده

ومفيش حياة بتندثر طول ماحنا عايشين

وكل حاجة ليها حل

وصدقيني اليأس اللي انتي فيه ده
عبارة عن كلمة نهاية لاحت لكي في الطريق
ستكتشفي بعد ذلك انها كانت سراب
اميرة هشام

انا معرفتش اعلق بالبلوج بتاعي
الظاهر ان البلوج بتاعي مش متفق مع البلوج بتاعك

بس ربنا يسهل وادام شوية نخليهم اصحاب
نياهاهاهاه

Anonymous said...

ليه كده بس؟!!
لو اعتبرتيني صاحب بجد زي ما قلتي، فما تكسفينيش في أول طلب أطلبه

ممكن ترجعي تاني؟!

Anonymous said...

بصي أنا مش هقولك أرجعي دلوقتي .. علشان أكيد انتى تعيانة دلوقتي.. ومش هقولك علشان خاطري علشان انا ماليش خواطر..

أنا هطلب منك حاجة واحدة.. لما تهدي وتبقى أحسن.. أول لما تيجي في دماغك فكرة ويبقى نفسك تكتبيها في تدوينة بس القرار اللي انتى ختبه منعك.. انسي القرار ده واكتبي تاني.. علشان الكتابة بتطلع حاجات كثير من جوه الواحد مش بيطلعها في اي حتة تانية

دعاء عادل said...

انا بقيت كويسه جدا ما حدش يقلق يا جماعه بجد هى كانت نكسه نفسيه بس
شكرا لكل الناس اللى قلقتهم شكرا لاصحابى اللى قلبوا الدنيا عليا وساندونى كتيييييير وشكرا للناس اللى ما تعرفنيش و شجعونى كتير
بجد كلكم عملتوا حاجه كبيره ما تعرفوهاش فى لحظات الضلمه اللى كنت فيها

تصدقوا حسستونى انى عبد الناصر
الحمد لله الواحد يقدر يرشح نفسه دلوقتى فى للانتخابات
وانشاء الله ها رجع للتدوين تانى
ما تقلقوش مستقبل مصر فى رقبتى يارجاله

باسم شريف

شكرا ليك جدا
والسبب كانت ملابسات عجيبه كده
وفعلا مش هاقدر ابعد خالص خاصة عن كل الناس اللى بحبهم

احمد حربية

فعلا يا احمد ما كنتش فى حاله طبيعيه
بس ما تقلقش تمام دلوقتى
وادينى يا سيدى فكرت تانى
وبجد شكرا جدا على اهتمامك

عبد الله احمد

ادينى عقلت ياسيدى ولميت هدومى ورجعتها الدولاب تانى


ابو كامل

اخى تاتون
انى قد عدت
مش عارفه اقولك ايه على كل الكلام الجميل المشجع ده يلى قولى بقى تعليقك الجامد مستنياه
مستنيه المفاجئه اصلى عيله اوى ما تعرفنيش


اميره هشام الجميله
اشكرك على اتصالك واهتمامك
جدا انتى عرفتى كل حاجه واوعى تعملى زييى
ولينا كلام كتير مع بعض


مصعب الخير
ممكن
خطرك كبير اوى يا مصعب وفعلا صاحبى وادينى رجعت يا سيدى وشكرا على المسانده امال الواحد بيصاحب ليه شفت بقى ان انا اللى استفدت من الصداقه دى استغلتها على طول ما ضيعتش وقت
وانشاء الله استغلك كتير كده
ونفضل اصحاب على طول


احمد هوارى

بص يا احمد انا مش عارفه اقولك ايه
انت بجد ساعدتنى كتير ودوشتك كتير
ونصحتنى كتير وافدتنى كتير
وشجعتنى بجد نعم الصديق
وانا حسيت اننا هانبقى اصحاب اوى من اول يوم ربنا يخليك وتساعدنى على طول وعندك حق وهانفذ الخطه 112 ما تقلقش خالص
ياريس

Anonymous said...

الحمد لله انا افتكرتك هتعمليها بجد لان دى اول مره ادخل فيها المدونه وعجبتنى اوى وعجبتنى مواضيعها وهاتبعها ان شاء الله اول باول بس انزلى بس ببوست جديد وانتى تشوفى قد ايه غلاوتك عن صحابك واصدقائك

Anonymous said...

عوداً أحمداً

حمدلله لى السلامة

Anonymous said...

مبروك يا هاميس على العودة . على فكرة اذا كنتي عيلة قوي !! ومستنية التعليق الجامد انا ممكن اكون اعيل منك ومش اكتبه !!!! بس هنتفق استني عليا شوية اليومين دول يومين امتحانات ومتورط في كام "عيب يا جدع" كنت قلتها في الشغل ومع كام طالب بساعدهم في كام مادة وتقلقيش خالص الموضوع بتاع التعليق اعتبري انه خلص وعيب يا جدع .... ييييي نفسي ابطل "عيب يا جدع" دي وادي كمان توريطة

Anonymous said...

ده كلام برضو يا دودو؟؟ ،تسيبى مدونتك؟؟؟ده انا مابصدق الاقى حد
:))ارتاح لمدونته ،عموما ويلكم باك ،والحمدلله انى اتطمنت انك رجعتى ،وربنا يخليلك اصدقاءك كلهم اللى انتى تستاهليهم فعلا
وربنا يبعد عنك النكسات النفسية :))

Anonymous said...

الحمدلله انك رجعتي (: